Almatyda internet-banking arqyly aqsha jymqyrǵandar sot aldynda jaýap berdi. Bul týraly QazAqparat jazdy.
Sot materialyna qarasaq, 2015 jyldyń sáýir aiynda sottalýshylar A.Mitin jáne R.Hýsainov Team Viewer baǵdarlamasy arqyly «Nurbank» AQ-nyń banktik shotynyń qupiiasózin zańsyz buzǵany anyqtalǵan.
Jetisý aýdanynyń №2 aýdandyq sotynyń baspasóz qyzmetiniń habarlaýynsha, olar shyndyqqa sai kelmeitin tólemder arqyly 155 mln teńgeni aldyn ala qurylǵan «Kazahstansko-proizvodstvenno-kommercheskaia kompaniia» JShS-nyń «Evraziiskii bank» AQ-yndaǵy banktik shotyna aýdarǵan.
Sot úkimimen A.Mitin jáne R.Hýsainov Qazaqstan Respýblikasynyń QK-niń 188 baby 4 bóliginiń 3 tarmaǵynda kózdelgen qylmysty jasaýda kináli dep tanylyp, osy bap boiynsha A.Mitinge múlkin tárkileý arqyly 6 jyl 8 ai merzimge bas bostandyǵynan aiyrý jazasy, R.Hýsainovke múlkin tárkileý arqyly 6 jyl 8 ai merzimge bas bostandyǵynan aiyrý jazasy taǵaiyndalyp, jazany jalpy rejimdegi túzeý mekemesinde óteý belgilendi.
Basty sot talqylaýynda sottalýshylar A.Mitin jáne R.Hýsainov taǵylǵan aiyp boiynsha kinálaryn moiyndaǵan joq.
