Reseilik MMA sheberi Habib Nýrmagomedov irlandyq Konor Makgregorge qarsy qarymta jekpe-jekke shyǵýdan bas tartty, dep habarlaidy "Sport-Ekspress" sportshynyń aǵasy Aleks Nýrmagomedovke silteme jasap.
Aralas jekpe-jek sheberiniń týysy aitqandai, bul kezdesý Habib úshin qyzyqty emes.
"Eshqandai aqsha úshin onymen jekpe-jekke shyqpaidy. Qarymta kezdesý usynyp otyrǵanyn bilemin. Kelisken jaǵdaida 15 million beremiz dep ýáde etken edi. Biraq Habib "joq" dedi. Konor kezekke turyp, basqalarmen judyryqtasa bersin. Al Habib Fergiýsonmen jekpe-jekke shyqqysy keledi, sodan keiin mansabyn aiaqtamaq", — dep atap ótti ol.
Esterińizge sala ketsek, 2018 jyly 6 qazanda Habib Las-Vegastaǵy jekpe-jekte Konor Makgregordi jeńgen bolatyn. Qarsylasyna tunshyqtyrý ádisin qoldanyp jeńiske jetken Habib ring qorshaýynan asyp túsip, kórermenderdiń biri – Makgregordiń sparring-partneri Dilon Denniske shabýyl jasady. Sol kezde ringke Habibtiń komandasyndaǵy adamdar shyǵyp, Makgregorge tap berdi.
Keiinirek Nýrmagomedov ózine til tigizgeni úshin osyndai qadamǵa barǵanyn aityp, túsindirdi. Degenmen jarys erejelerin buzǵandyqtan UFC Habibke kezdesý úshin beriletin 2 million dollardy tólemedi. Biraq UFC chempiony belbeýin saqtap qaldy.
