رەسەيلٸك مما شەبەرٸ حابيب نۋرماگومەدوۆ يرلاندىق كونور ماكگرەگورگە قارسى قارىمتا جەكپە-جەككە شىعۋدان باس تارتتى, دەپ حابارلايدى "سپورت-ەكسپرەسس" سپورتشىنىڭ اعاسى الەكس نۋرماگومەدوۆكە سٸلتەمە جاساپ.
ارالاس جەكپە-جەك شەبەرٸنٸڭ تۋىسى ايتقانداي, بۇل كەزدەسۋ حابيب ٷشٸن قىزىقتى ەمەس.
"ەشقانداي اقشا ٷشٸن ونىمەن جەكپە-جەككە شىقپايدى. قارىمتا كەزدەسۋ ۇسىنىپ وتىرعانىن بٸلەمٸن. كەلٸسكەن جاعدايدا 15 ميلليون بەرەمٸز دەپ ۋەدە ەتكەن ەدٸ. بٸراق حابيب "جوق" دەدٸ. كونور كەزەككە تۇرىپ, باسقالارمەن جۇدىرىقتاسا بەرسٸن. ال حابيب فەرگيۋسونمەن جەكپە-جەككە شىققىسى كەلەدٸ, سودان كەيٸن مانسابىن اياقتاماق", — دەپ اتاپ ٶتتٸ ول.
ەستەرٸڭٸزگە سالا كەتسەك, 2018 جىلى 6 قازاندا حابيب لاس-ۆەگاستاعى جەكپە-جەكتە كونور ماكگرەگوردٸ جەڭگەن بولاتىن. قارسىلاسىنا تۇنشىقتىرۋ ەدٸسٸن قولدانىپ جەڭٸسكە جەتكەن حابيب رينگ قورشاۋىنان اسىپ تٷسٸپ, كٶرەرمەندەردٸڭ بٸرٸ – ماكگرەگوردٸڭ سپاررينگ-پارتنەرٸ ديلون دەننيسكە شابۋىل جاسادى. سول كەزدە رينگكە حابيبتٸڭ كومانداسىنداعى ادامدار شىعىپ, ماكگرەگورگە تاپ بەردٸ.
كەيٸنٸرەك نۋرماگومەدوۆ ٶزٸنە تٸل تيگٸزگەنٸ ٷشٸن وسىنداي قادامعا بارعانىن ايتىپ, تٷسٸندٸردٸ. دەگەنمەن جارىس ەرەجەلەرٸن بۇزعاندىقتان UFC حابيبكە كەزدەسۋ ٷشٸن بەرٸلەتٸن 2 ميلليون دوللاردى تٶلەمەدٸ. بٸراق UFC چەمپيونى بەلبەۋٸن ساقتاپ قالدى.
