Kúzgi maýsymda «Habar» arnasy kórermenderine birneshe otandyq teleserial usynady. Solardyń biri - rejisser Ashat Musabaidyń «Taǵy da súi» melodramasy. Bul - mahabbat pen sezim sergeldeńi, jolyńda kezdesken qansha kedergiler men synaqtarǵa qaramastan ómir súrýge degen qulshynysty sýretteitin kartina.
«Jalpy adam ómirde ártúrli mahabbat sezimderin bastan ótkeredi. Keide súigen qyzy bola tura, basqa bireýdi unatyp qalady. Bizdiń baiandaityn oqiǵamyz osy týraly. Bir jas jigittiń mahabbat hikaiasy» - deidi serial týraly filmniń rejisseri Ashat Musabai.
Aian - jasy 25-ke jańa shyqqan symbatty, bilimdi jigit. Ákesi - jarnama agenttiginiń basshysy, biznesmen. Anasy - florist. Súigen qyzy Asyl eki jyl buryn jol apatynan qaitys bolyp, basty keiipker kúizeliske ushyraǵan. Oǵan qosa, kezinde Asyldy jetim qyz dep qabyldaǵysy kelmegen ákesimen qarym-qatynasy da nashar. Asyl kóbelekterdi qatty jaqsy kóretin. Sol sebepti Aian súigeniniń taǵdyryn kóbelektiń qysqa ǵumyryna teńep, moiynsunýǵa májbúr bolady.
Ýaqyt óte kele jan jarasynan arylǵan ol Merei degen arýmen bas qosady. Biraq oǵan degen taǵdyrdyń syiy taýsylmapty. Aian Asyldy qaita jolyqtyrady. Osylai oqiǵa shielenise túsedi.
Kartinaǵa jas akterler shaqyrylǵan. «Jańa akter, jańa aktrisalarmen jumys istep, elge áli tanylmaǵan jańa beinelerdi kórsetkimiz keldi. Basty róldegi Aiandy Shalqar Qudaibergen degen jigit somdaidy. Almaty qalasynyń týmasy. Qyzdarǵa keletin bolsaq, Adina Bajan jáne Astanadan arnaiy shaqyrtylǵan Nursaýle Áýbákirova. Nursáýle Shabyt ýniversitetiniń stýdenti», - deidi Ashat Musabai.
Bir qyzyǵy, basty rólde oinaityn Shalqar Qudaibergen - fizika mamandyǵy boiynsha bilim alyp júrgen stýdent. «Kinodaǵy tájiribem ómirlik kózqarastarymnyń qalyptasýyna áser etti», - deidi ol. «Ózimniń oiymdy tolyq jetildire bastadym. Adamǵa degen syilastyǵym, adamgershiligim, úlkenge degen qurmetim, kishige degen kishipeiildigim arta bastady. Eń bastysy, buryn men adamdardyń arasynda kishkene qysylatynmyn. Biraq osy ról meni ózgertti. Sebebi keiipkerim ashyq adam», - deidi Shalqar Qudaibergen.
Taǵy serialda Ádiljan Shombalova, Aizada Satybaldieva, Zarina Omarova jáne basqa akterler oinaidy.
12 bólimdi týyndy Almaty qalasynyń eń kórikti jerlerinde túsirilgen.
«Jastar týraly serial bolǵandyqtan ádemi lokatsiialar tańdaldy. Qyzǵaldaqtar alańy, áýe sharlarymen ushý, aspaly joldarymen júrý, ózen, kól, qaiyq, romantikalyq atmosferany berýge tyrystyq. Qustar, kóbelek syndy tirshilik ielerin shynaiy etip kórsetý úshin arnaiy garfister shaqyrdyq. Kórermenge unar degen senimdemiz», - deidi rejisser Ashat Musabai.
3 qyrkúiekten bastap 21.30-da «Habar» telearnasynan «Taǵyda súi» serialyn tamashalańyzdar!
