كٷزگٸ ماۋسىمدا «حابار» ارناسى كٶرەرمەندەرٸنە بٸرنەشە وتاندىق تەلەسەريال ۇسىنادى. سولاردىڭ بٸرٸ - رەجيسسەر اسحات مۇسابايدىڭ «تاعى دا سٷي» مەلودراماسى. بۇل - ماحاببات پەن سەزٸم سەرگەلدەڭٸ, جولىڭدا كەزدەسكەن قانشا كەدەرگٸلەر مەن سىناقتارعا قاراماستان ٶمٸر سٷرۋگە دەگەن قۇلشىنىستى سۋرەتتەيتٸن كارتينا.
«جالپى ادام ٶمٸردە ەرتٷرلٸ ماحاببات سەزٸمدەرٸن باستان ٶتكەرەدٸ. كەيدە سٷيگەن قىزى بولا تۇرا, باسقا بٸرەۋدٸ ۇناتىپ قالادى. بٸزدٸڭ باياندايتىن وقيعامىز وسى تۋرالى. بٸر جاس جٸگٸتتٸڭ ماحاببات حيكاياسى» - دەيدٸ سەريال تۋرالى فيلمنٸڭ رەجيسسەرٸ اسحات مۇساباي.
ايان - جاسى 25-كە جاڭا شىققان سىمباتتى, بٸلٸمدٸ جٸگٸت. ەكەسٸ - جارناما اگەنتتٸگٸنٸڭ باسشىسى, بيزنەسمەن. اناسى - فلوريست. سٷيگەن قىزى اسىل ەكٸ جىل بۇرىن جول اپاتىنان قايتىس بولىپ, باستى كەيٸپكەر كٷيزەلٸسكە ۇشىراعان. وعان قوسا, كەزٸندە اسىلدى جەتٸم قىز دەپ قابىلداعىسى كەلمەگەن ەكەسٸمەن قارىم-قاتىناسى دا ناشار. اسىل كٶبەلەكتەردٸ قاتتى جاقسى كٶرەتٸن. سول سەبەپتٸ ايان سٷيگەنٸنٸڭ تاعدىرىن كٶبەلەكتٸڭ قىسقا عۇمىرىنا تەڭەپ, مويىنسۇنۋعا مەجبٷر بولادى.
ۋاقىت ٶتە كەلە جان جاراسىنان ارىلعان ول مەرەي دەگەن ارۋمەن باس قوسادى. بٸراق وعان دەگەن تاعدىردىڭ سىيى تاۋسىلماپتى. ايان اسىلدى قايتا جولىقتىرادى. وسىلاي وقيعا شيەلەنٸسە تٷسەدٸ.
كارتيناعا جاس اكتەرلەر شاقىرىلعان. «جاڭا اكتەر, جاڭا اكتريسالارمەن جۇمىس ٸستەپ, ەلگە ەلٸ تانىلماعان جاڭا بەينەلەردٸ كٶرسەتكٸمٸز كەلدٸ. باستى رٶلدەگٸ اياندى شالقار قۇدايبەرگەن دەگەن جٸگٸت سومدايدى. الماتى قالاسىنىڭ تۋماسى. قىزدارعا كەلەتٸن بولساق, ادينا باجان جەنە استانادان ارنايى شاقىرتىلعان نۇرساۋلە ەۋبەكٸروۆا. نۇرسەۋلە شابىت ۋنيۆەرسيتەتٸنٸڭ ستۋدەنتٸ», - دەيدٸ اسحات مۇساباي.
بٸر قىزىعى, باستى رٶلدە وينايتىن شالقار قۇدايبەرگەن - فيزيكا ماماندىعى بويىنشا بٸلٸم الىپ جٷرگەن ستۋدەنت. «كينوداعى تەجٸريبەم ٶمٸرلٸك كٶزقاراستارىمنىڭ قالىپتاسۋىنا ەسەر ەتتٸ», - دەيدٸ ول. «ٶزٸمنٸڭ ويىمدى تولىق جەتٸلدٸرە باستادىم. ادامعا دەگەن سىيلاستىعىم, ادامگەرشٸلٸگٸم, ٷلكەنگە دەگەن قۇرمەتٸم, كٸشٸگە دەگەن كٸشٸپەيٸلدٸگٸم ارتا باستادى. ەڭ باستىسى, بۇرىن مەن ادامداردىڭ اراسىندا كٸشكەنە قىسىلاتىنمىن. بٸراق وسى رٶل مەنٸ ٶزگەرتتٸ. سەبەبٸ كەيٸپكەرٸم اشىق ادام», - دەيدٸ شالقار قۇدايبەرگەن.
تاعى سەريالدا ەدٸلجان شومبالوۆا, ايزادا ساتىبالديەۆا, زارينا وماروۆا جەنە باسقا اكتەرلەر وينايدى.
12 بٶلٸمدٸ تۋىندى الماتى قالاسىنىڭ ەڭ كٶرٸكتٸ جەرلەرٸندە تٷسٸرٸلگەن.
«جاستار تۋرالى سەريال بولعاندىقتان ەدەمٸ لوكاتسييالار تاڭدالدى. قىزعالداقتار الاڭى, ەۋە شارلارىمەن ۇشۋ, اسپالى جولدارىمەن جٷرۋ, ٶزەن, كٶل, قايىق, رومانتيكالىق اتموسفەرانى بەرۋگە تىرىستىق. قۇستار, كٶبەلەك سىندى تٸرشٸلٸك يەلەرٸن شىنايى ەتٸپ كٶرسەتۋ ٷشٸن ارنايى گارفيستەر شاقىردىق. كٶرەرمەنگە ۇنار دەگەن سەنٸمدەمٸز», - دەيدٸ رەجيسسەر اسحات مۇساباي.
3 قىركٷيەكتەن باستاپ 21.30-دا «حابار» تەلەارناسىنان «تاعىدا سٷي» سەريالىن تاماشالاڭىزدار!
