«Habar» agenttiginiń tapsyrysymen sońǵy jyldarda elimizde beleń alǵan jaǵdailardyń biri – jat eldegi eńbekaqyǵa qyzyǵyp, jumys jeteginde ketken qara jumysshy migranttardyń ómiri men kúnkórisi týraly jańa joba túsirildi. Búgingi tańda «(NE) týristy» / «Týrist (EMES)» dep atalatyn jobanyń túsirilim jumystary jalǵasýda. Joba «Habar» telearnasynan 7 jeltoqsannan bastap, ár senbi, saǵat 11.00-de kórermen nazaryna usynylatyn bolady, dep habarlaidy QazAqparat.
Shetel. Ár shyǵarylymda ózge memleket. Jańa orta. Mádeniet, salt-dástúr, taǵam, daǵdy bári – bári ózgeshe. Bunyń bári qydyrǵanǵa, bir sát tamashalaǵanǵa, tynyqqanǵa jaqsy ǵoi. Al kúnkóris, sanaǵa sińimdi, miǵa qonymdy tabyskózine jetý, mańdai termen aqsha tabý ońai ma? Bul saýalǵa jaýap alatyn «(NE) týristy» / «Týrist (EMES)» televiziialyq trevel-shoýyn «Habar» telearnasynan 7 jeltoqsannan bastap, ár senbi tamashalańyzdar.
Baǵdarlamanyń qos júrgizýshisi beitanys eldi kezip júrgen migranttardyń kebin kiip, shalǵaidaǵy shet elderge tek bir ǵana maqsatpen attanady. Ol – rasynda, óz elińdi tastap, ózge elge attanǵannan ómiriń jaqsy jaǵyna ózgere me? Shet eldegi tabyskózi rasynda da joǵary ma? Kúnkóris jaǵdaiy jaqsy ma? degen saýaldarǵa jaýap izdeý. Germaniia, Chehiia, Frantsiia, Ispaniia, Týrtsiia, Shvetsiia, Niderland, Belgiia, Italiia, Birikken Arab Ámirlikteri, Ońtústik Koreia, Malaiziia syndy birqatar elderdi kezip júretin baǵdarlama júrgizýshileri – ydys jýýshy, eden jýýshy, júk tieýshi syndy aýyr, qara jumystarǵa ornalasady. Sondai-aq, bara salysymen turaqtaityn baspana taýyp, migrant máselesin sheshýdiń jolyn izdeidi. Viza jasaýdyń qyr-syryna, meditsinalyq saqtandyrýǵa tirkelý erejelerine úńilýge tyrysady.
Ár memleketke jetken kezde júrgizýshilerge bastapqy kúnkórisine, tamaǵyna, ary-beri júrýine ǵana aqsha beriledi. Ary qaraiǵy kúnkórisin shynynda da ózi tabýy - baǵdarlama sharty. Siýjet jelisi boiynsha, júrgizýshiler trevel shoýdyń taban tiregen memleketindegi júrgen jerlesterimizben kezdesýge umtylady. Jergilikti halyq pen migranttardyń turmys jaǵdailaryna, ol eldegi jyljymaityn múlik pen Qazaqstandaǵy jyljymaityn múliktiń baǵasyna, kúndelikti kúnkóris pen ómir súrý deńgeiine salystyryp, saralaityn bolady.
Sondai-aq, joba júrgizýshileri jergilikti halyqtan jumysqa turý tártibin surap, aldynan shyqqan kez kelgen qara jumysty jat synbai, ornalasýǵa tyrysady. Al jumys kúniniń sońynda ár saǵatyna shaqqandaǵy tiisti eńbekaqysyn alyp otyrady. Alǵan aqysyn keshki asyna jetkizip, qalǵan qarajatyna qalany aralap, jergilikti halyqtyń tynys-tirshiligimen, ádemi, ásem kórinisterimen kórermenderdi tanystyryp otyrady.
Joǵary tabyskózine jetemin dep barǵan qos júrgizýshiler eki qolǵa bir kúrek bolar jumysqa ornalasa alady ma? Shet elde júrip, jaqsy jalaqy alý múmkindigine ie bola alady ma?
7 jeltoqsannan bastap, ár senbi, saǵat 11.00-de «Habar» telearnasynan qyzyqqa toly «(NE) týristy» / «Týrist (EMES)» televiziialyqtrevel-shoýyn tamashalańyzdar. Baǵdarlama júrgizýshileri - Bahtiiar Ómirov pen Ilona Moor.
