«حابار» اگەنتتٸگٸنٸڭ تاپسىرىسىمەن سوڭعى جىلداردا ەلٸمٸزدە بەلەڭ العان جاعدايلاردىڭ بٸرٸ – جات ەلدەگٸ ەڭبەكاقىعا قىزىعىپ, جۇمىس جەتەگٸندە كەتكەن قارا جۇمىسشى ميگرانتتاردىڭ ٶمٸرٸ مەن كٷنكٶرٸسٸ تۋرالى جاڭا جوبا تٷسٸرٸلدٸ. بٷگٸنگٸ تاڭدا «(نە) تۋريستى» / «تۋريست (ەمەس)» دەپ اتالاتىن جوبانىڭ تٷسٸرٸلٸم جۇمىستارى جالعاسۋدا. جوبا «حابار» تەلەارناسىنان 7 جەلتوقساننان باستاپ, ەر سەنبٸ, ساعات 11.00-دە كٶرەرمەن نازارىنا ۇسىنىلاتىن بولادى, دەپ حابارلايدى قازاقپارات.
شەتەل. ەر شىعارىلىمدا ٶزگە مەملەكەت. جاڭا ورتا. مەدەنيەت, سالت-دەستٷر, تاعام, داعدى بەرٸ – بەرٸ ٶزگەشە. بۇنىڭ بەرٸ قىدىرعانعا, بٸر سەت تاماشالاعانعا, تىنىققانعا جاقسى عوي. ال كٷنكٶرٸس, ساناعا سٸڭٸمدٸ, ميعا قونىمدى تابىسكٶزٸنە جەتۋ, ماڭداي تەرمەن اقشا تابۋ وڭاي ما? بۇل ساۋالعا جاۋاپ الاتىن «(نە) تۋريستى» / «تۋريست (ەمەس)» تەلەۆيزييالىق ترەۆەل-شوۋىن «حابار» تەلەارناسىنان 7 جەلتوقساننان باستاپ, ەر سەنبٸ تاماشالاڭىزدار.
باعدارلامانىڭ قوس جٷرگٸزۋشٸسٸ بەيتانىس ەلدٸ كەزٸپ جٷرگەن ميگرانتتاردىڭ كەبٸن كيٸپ, شالعايداعى شەت ەلدەرگە تەك بٸر عانا ماقساتپەن اتتانادى. ول – راسىندا, ٶز ەلٸڭدٸ تاستاپ, ٶزگە ەلگە اتتانعاننان ٶمٸرٸڭ جاقسى جاعىنا ٶزگەرە مە? شەت ەلدەگٸ تابىسكٶزٸ راسىندا دا جوعارى ما? كٷنكٶرٸس جاعدايى جاقسى ما? دەگەن ساۋالدارعا جاۋاپ ٸزدەۋ. گەرمانييا, چەحييا, فرانتسييا, يسپانييا, تۋرتسييا, شۆەتسييا, نيدەرلاند, بەلگييا, يتالييا, بٸرٸككەن اراب ەمٸرلٸكتەرٸ, وڭتٷستٸك كورەيا, مالايزييا سىندى بٸرقاتار ەلدەردٸ كەزٸپ جٷرەتٸن باعدارلاما جٷرگٸزۋشٸلەرٸ – ىدىس جۋۋشى, ەدەن جۋۋشى, جٷك تيەۋشٸ سىندى اۋىر, قارا جۇمىستارعا ورنالاسادى. سونداي-اق, بارا سالىسىمەن تۇراقتايتىن باسپانا تاۋىپ, ميگرانت مەسەلەسٸن شەشۋدٸڭ جولىن ٸزدەيدٸ. ۆيزا جاساۋدىڭ قىر-سىرىنا, مەديتسينالىق ساقتاندىرۋعا تٸركەلۋ ەرەجەلەرٸنە ٷڭٸلۋگە تىرىسادى.
ەر مەملەكەتكە جەتكەن كەزدە جٷرگٸزۋشٸلەرگە باستاپقى كٷنكٶرٸسٸنە, تاماعىنا, ارى-بەرٸ جٷرۋٸنە عانا اقشا بەرٸلەدٸ. ارى قارايعى كٷنكٶرٸسٸن شىنىندا دا ٶزٸ تابۋى - باعدارلاما شارتى. سيۋجەت جەلٸسٸ بويىنشا, جٷرگٸزۋشٸلەر ترەۆەل شوۋدىڭ تابان تٸرەگەن مەملەكەتٸندەگٸ جٷرگەن جەرلەستەرٸمٸزبەن كەزدەسۋگە ۇمتىلادى. جەرگٸلٸكتٸ حالىق پەن ميگرانتتاردىڭ تۇرمىس جاعدايلارىنا, ول ەلدەگٸ جىلجىمايتىن مٷلٸك پەن قازاقستانداعى جىلجىمايتىن مٷلٸكتٸڭ باعاسىنا, كٷندەلٸكتٸ كٷنكٶرٸس پەن ٶمٸر سٷرۋ دەڭگەيٸنە سالىستىرىپ, سارالايتىن بولادى.
سونداي-اق, جوبا جٷرگٸزۋشٸلەرٸ جەرگٸلٸكتٸ حالىقتان جۇمىسقا تۇرۋ تەرتٸبٸن سۇراپ, الدىنان شىققان كەز كەلگەن قارا جۇمىستى جات سىنباي, ورنالاسۋعا تىرىسادى. ال جۇمىس كٷنٸنٸڭ سوڭىندا ەر ساعاتىنا شاققانداعى تيٸستٸ ەڭبەكاقىسىن الىپ وتىرادى. العان اقىسىن كەشكٸ اسىنا جەتكٸزٸپ, قالعان قاراجاتىنا قالانى ارالاپ, جەرگٸلٸكتٸ حالىقتىڭ تىنىس-تٸرشٸلٸگٸمەن, ەدەمٸ, ەسەم كٶرٸنٸستەرٸمەن كٶرەرمەندەردٸ تانىستىرىپ وتىرادى.
جوعارى تابىسكٶزٸنە جەتەمٸن دەپ بارعان قوس جٷرگٸزۋشٸلەر ەكٸ قولعا بٸر كٷرەك بولار جۇمىسقا ورنالاسا الادى ما? شەت ەلدە جٷرٸپ, جاقسى جالاقى الۋ مٷمكٸندٸگٸنە يە بولا الادى ما?
7 جەلتوقساننان باستاپ, ەر سەنبٸ, ساعات 11.00-دە «حابار» تەلەارناسىنان قىزىققا تولى «(نە) تۋريستى» / «تۋريست (ەمەس)» تەلەۆيزييالىقترەۆەل-شوۋىن تاماشالاڭىزدار. باعدارلاما جٷرگٸزۋشٸلەرٸ - باحتييار ٶمٸروۆ پەن يلونا موور.
