Sýret: gov.kz
Kemelbek Oishybaev "Habar Agenttigi" AQ Basqarma tóraǵasy bolyp taǵaiyndaldy, - dep habarlaidy "Ult aqparat" Mádeniet jáne aqparat ministrliginiń baspasóz qyzmetine silteme jasap.
Aita keteiik, ol Prezidenttiń baspasóz hatshysy bolyp taǵaiyndalǵan Berik Ýálidiń ornyna keldi.
Kemelbek Baqtyǵululy Oishybaev 1977 jyly 13 shildede Batys Qazaqstan oblysynda dúniege kelgen.
1998 jyly ál-Farabi atyndaǵy Qazaq ulttyq ýniversitetin jýrnalistika mamandyǵy boiynsha, 2004 jyly Qazaq gýmanitarlyq zań ýniversitetin zańger mamandyǵy boiynsha támamdaǵan. Sondai-aq, Geneva Business School-de (Shveitsariia) MBA baǵdarlamasyn oqyǵan.
Eńbek jolyn 2000 jyly «Interfaks-Qazaqstan» AA» JShS tilshisi bolyp bastaǵan.
2001 jyldan 2007 jylǵa deiin «Qazaqtelekom» AQ qurylymynda basshylyq laýazymdarda eńbek etken.
Ár jyldary kommertsiialyq qurylymdarda jumys istegen.
2014-2016 jyldary — «Qazmedia ortalyǵy» basqarýshy kompaniiasy» JShS bas direktorynyń orynbasary, birinshi orynbasary.
2016 jyly — QR Aqparat jáne kommýnikatsiialar ministrligi janyndaǵy Ortalyq kommýnikatsiialar qyzmetiniń direktory.
2016-2017 jyldary — «Qazaqstan» teleradiokorporatsiiasy» AQ basqarma tóraǵasy.
2019 jylǵy maýsymnan bastap 2020 jylǵa deiin «Rýhani jańǵyrý» qazaqstandyq qoǵamdyq damý institýty» KEAQ basqarma tóraǵasy boldy.
2020 jylǵy maýsymnan 2022 jylǵy 28 qańtarǵa deiin Aqparat jáne qoǵamdyq damý vitse-ministri qyzmetin atqardy.
