Sýret: halyq-uni.kz
Indýstriia jáne infraqurylymdyq damý ministri Qaiyrbek Óskenbaev jeńildetilgen avtokredit toqtap qalmai, kún saiyn berilýi kerek dep sanaidy. Bul týraly ol Úkimet kýlýarynda aitty, dep habarlaidy Sputnik Qazaqstan agenttigi.
Ministr jeńildetilgen avtokredit baǵdarlamasyna buryn berilgen 100 mlrd teńge endi bólinbeitinin atap ótti.
"Qazir bankter aqshany sál jinap, kreditti keiin beremiz degen sheshim qabyldady. Árine, olar ózderi biledi. Bul olarǵa qatysty biznes protsess. Biraq, meniń oiymsha, kúndelikti túsken aqshany kún saiyn berip otyrý kerek. Jeńildetilgen avtokreditti toqtatpai, halyqty da shýlatpai, bul protsess kún saiyn júrýi kerek", - dedi Óskenbaev Úkimet kýlýarynda.
Ol alǵashynda jeńildetilgen kredit baǵdarlamasy boiynsha 15 myń adam kezekte turǵanyn, sonyń 13 myńy kólik alǵanyn eske saldy. Sodan keiin qosymsha 16 myń adam kólik alýǵa ótinish bergen. Bul rette ministr kezekte turǵandardyń bári qalaǵan kóligin satyp alatynyna sendirdi.
"Árine, olar kóligin ala alady. Biz jyl saiyn óndiris kólemin arttyryp jatyrmyz. Biyl 110 myń kólik shyǵardyq. Kelesi jyly 120 myń kólik josparlaǵan edik, biraq odan kóbirek shyǵaratyn boldyq. 130 myń kólikke deiin jetkizemiz", - dedi Óskenbaev.
