سۋرەت: halyq-uni.kz
يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ جەڭٸلدەتٸلگەن اۆتوكرەديت توقتاپ قالماي, كٷن سايىن بەرٸلۋٸ كەرەك دەپ سانايدى. بۇل تۋرالى ول ٷكٸمەت كۋلۋارىندا ايتتى, دەپ حابارلايدى Sputnik قازاقستان اگەنتتٸگٸ.
مينيستر جەڭٸلدەتٸلگەن اۆتوكرەديت باعدارلاماسىنا بۇرىن بەرٸلگەن 100 ملرد تەڭگە ەندٸ بٶلٸنبەيتٸنٸن اتاپ ٶتتٸ.
"قازٸر بانكتەر اقشانى سەل جيناپ, كرەديتتٸ كەيٸن بەرەمٸز دەگەن شەشٸم قابىلدادى. ەرينە, ولار ٶزدەرٸ بٸلەدٸ. بۇل ولارعا قاتىستى بيزنەس پروتسەسس. بٸراق, مەنٸڭ ويىمشا, كٷندەلٸكتٸ تٷسكەن اقشانى كٷن سايىن بەرٸپ وتىرۋ كەرەك. جەڭٸلدەتٸلگەن اۆتوكرەديتتٸ توقتاتپاي, حالىقتى دا شۋلاتپاي, بۇل پروتسەسس كٷن سايىن جٷرۋٸ كەرەك", - دەدٸ ٶسكەنباەۆ ٷكٸمەت كۋلۋارىندا.
ول العاشىندا جەڭٸلدەتٸلگەن كرەديت باعدارلاماسى بويىنشا 15 مىڭ ادام كەزەكتە تۇرعانىن, سونىڭ 13 مىڭى كٶلٸك العانىن ەسكە سالدى. سودان كەيٸن قوسىمشا 16 مىڭ ادام كٶلٸك الۋعا ٶتٸنٸش بەرگەن. بۇل رەتتە مينيستر كەزەكتە تۇرعانداردىڭ بەرٸ قالاعان كٶلٸگٸن ساتىپ الاتىنىنا سەندٸردٸ.
"ەرينە, ولار كٶلٸگٸن الا الادى. بٸز جىل سايىن ٶندٸرٸس كٶلەمٸن ارتتىرىپ جاتىرمىز. بيىل 110 مىڭ كٶلٸك شىعاردىق. كەلەسٸ جىلى 120 مىڭ كٶلٸك جوسپارلاعان ەدٸك, بٸراق ودان كٶبٸرەك شىعاراتىن بولدىق. 130 مىڭ كٶلٸككە دەيٸن جەتكٸزەمٸز", - دەدٸ ٶسكەنباەۆ.
