Búgin Almatyda almatylyq 168 otbasy jańa páterlerge qol jetkizdi. Baspana «Nurly jer» baǵdarlamasy aiasynda berildi. Páter kiltterin qala ákimi Baýyrjan Baibek tabystady, dep habarlaidy Ult.kz tilshisi QazAqparat agenttigine silteme jasap.
Aita ketý kerek, turǵyn úi kesheni Ýniversiada kezinde salynǵan Atletter aýylynda ornalasqan. "Nurly jer" baǵdarlamasy boiynsha berilgen pəterler "Qazaqstan Ipotekalyq kompaniiasy" AQ arqyly rəsimdelip, satyp alý quqyǵymen 168 adamǵa jalǵa berildi.
«Elbasy tapsyrmasy boiynsha Ýniversiada murasy retinde búgin pəterlerdi berip jatyrmyz. Adam úshin baspana məselesiniń mańyzy zor. Úii bar adamdar bolashaqqa úmitpen qaraidy. Bul 4-sanattaǵy sapasy jaqsy pəterler. Biraq infraqurylymy jaǵynan múmkindikteri tamasha", -dedi Baýyrjan Baibek.
Əkimdiktiń habarlaýynsha, 2017 jyldyń sońyna deiin 4,5 myń páter paidalanýǵa beriledi. Osylaisha jyl sońyna deiin kezekte turǵan ár tórtinshi otbasy baspanaly bolady.
2017 jylǵy málimet boiynsha, baspana alýǵa 20 300 adam kezekte tur.
Qala əkimi atalǵan aýmaqta ornalasqan meditsinalyq ortalyq pen "Nomads" meiramhanasyn da aralap kórdi.
Aita ketý kerek, Atletter aýyly 2016 jyldyń sońynda salynyp bitken bolatyn. 23 ga aýmaqta 14 turǵyn úi bar. Keshen aimaǵynda HQKO, emhana, sýpermarket, bank, poshta ornalasqan.
