Almaty ákimi Baqytjan Saǵyntaev Táýelsizdik mereitoiyna orailastyrylǵan saltanatty rásimde halyqtyń áleýmettik osal toptarynan kezekte turǵandarǵa páter kiltterin tapsyrdy, dep habarlaidy QazAqparat.
Qalanyń kommýnaldyq turǵyn úi qorynan turǵyn úi kezeginde turǵan halyqtyń áleýmettik osal toptaryna 211 páter bólindi. Turǵyn úi «Nurly jer» memlekettik baǵdarlamasy aiasynda salynǵan Alataý aýdanyndaǵy «Mádeniet» turǵyn úi kesheninde ornalasqan.
Baqytjan Saǵyntaev qala turǵyndaryn kele jatqan Táýelsizdik kúnimen quttyqtap, jańa baspanada jaqsylyq pen baqyt tiledi.
Jyl basynan beri 3761 muqtaj otbasy turǵyn úimen qamtamasyz etildi. Onyń ishinde «Baqytty otbasy» respýblikalyq baǵdarlamasy aiasynda 156 kópbalaly, 43 tolyq emes jáne múgedek balalardy tárbielep otyrǵan 242 otbasy 441 nesielik zaem berildi.
«Shańyraq» baǵdarlamasy boiynsha 2146 nesielik qaryz berildi. Qalalyq «Almaty jastary» jeńildetilgen nesie baǵdarlamasy boiynsha 926 nesie berildi.
Kommýnaldyq turǵyn úi qorynan 248 páter bólindi.
2021 jyldyń sońyna deiin jumys isteitin jastar arasynda 1050 páterdi bólý aiaqtalady.
Jyl qorytyndysy boiynsha 5394 páter beriledi. Máselen, «Baqytty otbasy» respýblikalyq baǵdarlamasy sheńberinde kópbalaly, tolyq emes jáne múgedek balalardy tárbielep otyrǵan otbasylar úshin 1013 nesie beriledi. «Shańyraq» baǵdarlamasy boiynsha – kezekte turǵandardyń barlyq sanattary úshin 2146 nesie qarastyrylǵan.
«Almaty Jastary» qalalyq jeńildikpen nesielendirý baǵdarlamasy boiynsha 926 nesie berildi. Kópbalaly otbasylarǵa satyp alý quqyǵynsyz 267 jaldamaly páter bólindi.
Sondai-aq, 29 jasqa deiingi jumys isteitin jastarǵa 1050 páter beriledi.
