Qyrkúiektiń sońǵy kúnderi Qazaqstan arqyly Reseidiń 40 myńǵa jýyq azamaty ózge elderge ketken. Negizgi baǵyttary – Qyrǵyzstan men Ózbekstan. Bes kún ishinde Reesidiń 6 myńǵa jýyq azamaty Qazaqstan áýejailarynan shetelge ushqan. Bul jóninde kóshi-qon komiteti tóraǵasynyń mindetin atqarýshy, politsiia polkovnigi Aslan Atalyqov brifing kezinde aitty, dep habarlaidy Azattyq.
Spikerdiń málimetinshe, Qazaqstanǵa 21 qyrkúiekke deiin kúnine 9-12 myń adam kelgen, al 22 qyrkúiekten bastap kelýshiler eki ese kóbeigen. Ishki ister ministrligi ókiliniń sózinshe, Qazaqstannan kún saiyn 15-17 myń adam kúndelikti sharýalarymen Reseige ótedi.
Ishki ister ministrliginiń málimetine qaraǵanda, jyl basynan beri Qazaqstanǵa 4,3 million shetel azamaty kelgen. Onyń 1,7 milliony (39%) Reseiden, 1,5 milliony (34%) Ózbekstannan; 547 myńy Qyrǵyzstannan, 200 myńnan astamy Tájikstannan, 53 myńy Belarýstan, 68 myńy Túrkiiadan, 43 myńy Germaniiadan jetkender. Osy aralyqta Qazaqstannan 4,1 million adam shetelge ketken. Onyń 1,6 milliony Resei azamaty, 1,3 milliony Ózbekstan azamaty, 540 myńy Qyrǵyzstan azamaty jáne 196 myńy Tájikstan azamaty.
"2019 jyly, iaǵni koronavirýs indeti bastalmai turǵanda Qazaqstanǵa Reseidiń 2 million 875 myń azamaty kirgen. al biyl 9 aida – 1 million 600 myń ǵana, iaǵni áldeqaida az", - deidi Aslan Atalyqov.
Ishki ister ministrliginiń málimetine qaraǵanda, qyrkúiek bastalǵaly beri sheteldiń 896 azamaty Qazaqstanda turaqty turýdy suraǵan, onyń 115-i Resei azamaty. Politsiia profilaktika is-sharasyn bastaǵan.
