قىركٷيەكتٸڭ سوڭعى كٷندەرٸ قازاقستان ارقىلى رەسەيدٸڭ 40 مىڭعا جۋىق ازاماتى ٶزگە ەلدەرگە كەتكەن. نەگٸزگٸ باعىتتارى – قىرعىزستان مەن ٶزبەكستان. بەس كٷن ٸشٸندە رەەسيدٸڭ 6 مىڭعا جۋىق ازاماتى قازاقستان ەۋەجايلارىنان شەتەلگە ۇشقان. بۇل جٶنٸندە كٶشٸ-قون كوميتەتٸ تٶراعاسىنىڭ مٸندەتٸن اتقارۋشى, پوليتسييا پولكوۆنيگٸ اسلان اتالىقوۆ بريفينگ كەزٸندە ايتتى, دەپ حابارلايدى ازاتتىق.
سپيكەردٸڭ مەلٸمەتٸنشە, قازاقستانعا 21 قىركٷيەككە دەيٸن كٷنٸنە 9-12 مىڭ ادام كەلگەن, ال 22 قىركٷيەكتەن باستاپ كەلۋشٸلەر ەكٸ ەسە كٶبەيگەن. ٸشكٸ ٸستەر مينيسترلٸگٸ ٶكٸلٸنٸڭ سٶزٸنشە, قازاقستاننان كٷن سايىن 15-17 مىڭ ادام كٷندەلٸكتٸ شارۋالارىمەن رەسەيگە ٶتەدٸ.
ٸشكٸ ٸستەر مينيسترلٸگٸنٸڭ مەلٸمەتٸنە قاراعاندا, جىل باسىنان بەرٸ قازاقستانعا 4,3 ميلليون شەتەل ازاماتى كەلگەن. ونىڭ 1,7 ميلليونى (39%) رەسەيدەن, 1,5 ميلليونى (34%) ٶزبەكستاننان; 547 مىڭى قىرعىزستاننان, 200 مىڭنان استامى تەجٸكستاننان, 53 مىڭى بەلارۋستان, 68 مىڭى تٷركييادان, 43 مىڭى گەرمانييادان جەتكەندەر. وسى ارالىقتا قازاقستاننان 4,1 ميلليون ادام شەتەلگە كەتكەن. ونىڭ 1,6 ميلليونى رەسەي ازاماتى, 1,3 ميلليونى ٶزبەكستان ازاماتى, 540 مىڭى قىرعىزستان ازاماتى جەنە 196 مىڭى تەجٸكستان ازاماتى.
"2019 جىلى, ياعني كوروناۆيرۋس ٸندەتٸ باستالماي تۇرعاندا قازاقستانعا رەسەيدٸڭ 2 ميلليون 875 مىڭ ازاماتى كٸرگەن. ال بيىل 9 ايدا – 1 ميلليون 600 مىڭ عانا, ياعني ەلدەقايدا از", - دەيدٸ اسلان اتالىقوۆ.
ٸشكٸ ٸستەر مينيسترلٸگٸنٸڭ مەلٸمەتٸنە قاراعاندا, قىركٷيەك باستالعالى بەرٸ شەتەلدٸڭ 896 ازاماتى قازاقستاندا تۇراقتى تۇرۋدى سۇراعان, ونىڭ 115-ٸ رەسەي ازاماتى. پوليتسييا پروفيلاكتيكا ٸس-شاراسىن باستاعان.
