Qazaqstanda keibir bazar basshylary saýdagerlerge jeke talaptaryn qoiyp, baǵany ózderi qoiatyny anyqtaldy, dep habarlaidy QazAqparat.
«Elimizde bólshek saýdaǵa baqylaý biraz jyldardan beri júrgizilmei keledi. Sonymen qatar naryqtaǵy saýda ústemaqysyna da baqylaý joq. Onyń ústine, bólshek saýdamen ainalysatyn keibir iri bazarlar naryq baǵasymen sanaspaidy. Osy arada bólshek sadýa naryǵynda deldaldar paida bolyp jatyr. Olardyń paida bolýy baǵaǵa tikelei áser etedi. Sol siiaqty, úidiń janynda ashylǵan azyq-túlik dúkenderi taýarlardy dál osy bólshek saýda bazarlary men qoimalardan alady», - dedi QR Saýda jáne integratsiia ministrligi saýda komiteti tóraǵasynyń orynbasary Aidar Ábildabekov Ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, dúken, bazar jáne basqa saýda núktelerinde zańbuzýshylyqty baiqaǵan jaǵdaida jergilikti atqarýshy organdarǵa júgingen jón.
«Anyqtalǵandai, elimiz boiynsha keibir saýda bazarlaryndaǵy orynǵa shekteý qoiylǵan. Odan bólek, bazar basshylary baǵany ózderi belgileitin jaǵdai da bar. Iaǵni, bazar basshylary saýdagerlerge óz talaptaryn júrgizetin kórinedi. Osyǵan orai iri bólshek saýda bazarlary men qoima basshylaryna, eger tutynýshylardan shaǵym tússe jospardan tys tekserý júretinin eskertkim keledi», - deidi ol.
