Foto:Aqorda
Memleket basshysy Keńeitilgen Úkimet otyrysynda azamattar elimizge laqap at qoiatynyn synǵa aldy, dep habarlaidy Ult.kz.
Onyń sózinshe memlekette tártip ornatý úshin jasalyp jatqan sharalar laqap at qoiýǵa negiz bolmaýy kerek.
Qasym-Jomart Toqaev keibir azamattar elimizdi mazaq qylýǵa áýestenip barady dep otyr.
«Mysaly, ózge elderdiń ókilderi joq jerden «keremet jetistikterdi, tabystardy» taýyp alyp, ony shetelge jan-jaqty nasihattap jatady. Al bizdiń azamattar, olardyń ishinde shoý-biznes ókilderi, ózin ózi «qoǵam belsendisi» sanaityn jastar, tipti, depýtattar da bar, Qazaqstanǵa neshe túrli laqap at qoiatyn boldy. Bul endi múldem túsiniksiz, aqylǵa syimaityn nárse», - dedi Prezident.
Toqaevtyń aitýynsha, aqparattyq jumys ýaqtyly ári sapaly júrgiziletin bolsa kóptegen másele, sonyń ishinde qoǵamda dúrbeleń týdyrǵan túitkilder ýshyqpai sheshimin tabatyn edi. Ol úshin muqiiat oilastyrylǵan qoǵamdyq kommýnikatsiia strategiiasy qajettigi de aityldy.
