Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jyl sońyna deiin 4 137 aýyl internetpen qamtylatynyn jetkizdi, dep habarlaidy "Ult aqparat".
Aita ketsek búgin palatada Salyq kodeksine túzetýler engizý máselesi qaralǵan bolatyn. Depýtattardyń pikirinshe, atalmysh zań jobasy aiasynda aýyldaǵy internet máselesin uialy bailanys operatorlary úshin preferentsiialar esebinen sheshýge bolady.
«Senatorlar bailanys operatorlary radiojelilerdi qoldanǵany úshin tóleitin tólemniń jyldyq mólsherlemesin 90 paiyzǵa tómendetýdi usynyp otyr. Mundai jeńildikti alý úshin bailanys operatorlary osydan únemdelgen qarajatty birinshi kezekte aýyldardy keń jolaqty internetpen qamtamasyz etýge jumsaý kerek. Bul – Memleket basshysynyń aýmaqtardy teńgerimdi damytý tapsyrmasymen bailanysty mindet», - dedi otyrysta Senat spikeri Máýlen Áshimbaev.
Bul máselege bailanysty Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jeńildik alatyn bailanys operatorlaryna naqty qandai mindettemeler artylatynyn aityp berdi.
«90 paiyz jeńildik – shartty oryndap, artylǵan aqshasyn aýyldy eldimekenderdi aýqymdy internetpen qamtamasyz etý jumsaityn bailanys operatorlaryna ǵana beriledi. Bul mindettemeler oryndalmasa radiojiililik spektrine degen ruqsatty «Bailanys týraly» qazirgi zańnamaǵa sáikes qaitaryp alýǵa bolady. Osy usynystardy talqylaý barysynda da atalmysh baǵytta ilgeri qadamdy jasap úlgerdik. Biz operatorlar osy jyldyń shilde aiynan bastap-aq óz qarajaty esebinen jáne kooperatsiialarǵa birigip, halqy 250 adamǵa deiingi aýyldy eldimekenderge internet tartý jumystaryn bastap ketti. Osylaisha «Nur Otan» partiiasynyń sailaý aldyndaǵy ýádesin oryndap jatyrmyz. Bul degenimiz – jyldyń sońyna deiin internetpen qamtylatyn 4 137 aýyl. Alaida aldaǵy bes jylda bul baǵytta jumsalatyn qarajat sol aýyldardaǵy internettiń sapasyna arttyrýǵa jumsalady. Sebebi belgili bir aýyldy eldimekender men aýmaqtarda internettiń álsiz ekenin moiyndaimyz», - dedi ol.
Baǵdat Mýsin Senatta búgin qaralǵan normalar aldaǵy bes jylda bul máseleni birjolata sheshýge múmkindik beretinin jetkizdi.
