تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين جىل سوڭىنا دەيٸن 4 137 اۋىل ينتەرنەتپەن قامتىلاتىنىن جەتكٸزدٸ, دەپ حابارلايدى "ۇلت اقپارات".
ايتا كەتسەك بٷگٸن پالاتادا سالىق كودەكسٸنە تٷزەتۋلەر ەنگٸزۋ مەسەلەسٸ قارالعان بولاتىن. دەپۋتاتتاردىڭ پٸكٸرٸنشە, اتالمىش زاڭ جوباسى اياسىندا اۋىلداعى ينتەرنەت مەسەلەسٸن ۇيالى بايلانىس وپەراتورلارى ٷشٸن پرەفەرەنتسييالار ەسەبٸنەن شەشۋگە بولادى.
«سەناتورلار بايلانىس وپەراتورلارى راديوجەلٸلەردٸ قولدانعانى ٷشٸن تٶلەيتٸن تٶلەمنٸڭ جىلدىق مٶلشەرلەمەسٸن 90 پايىزعا تٶمەندەتۋدٸ ۇسىنىپ وتىر. مۇنداي جەڭٸلدٸكتٸ الۋ ٷشٸن بايلانىس وپەراتورلارى وسىدان ٷنەمدەلگەن قاراجاتتى بٸرٸنشٸ كەزەكتە اۋىلداردى كەڭ جولاقتى ينتەرنەتپەن قامتاماسىز ەتۋگە جۇمساۋ كەرەك. بۇل – مەملەكەت باسشىسىنىڭ اۋماقتاردى تەڭگەرٸمدٸ دامىتۋ تاپسىرماسىمەن بايلانىستى مٸندەت», - دەدٸ وتىرىستا سەنات سپيكەرٸ مەۋلەن ەشٸمباەۆ.
بۇل مەسەلەگە بايلانىستى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين جەڭٸلدٸك الاتىن بايلانىس وپەراتورلارىنا ناقتى قانداي مٸندەتتەمەلەر ارتىلاتىنىن ايتىپ بەردٸ.
«90 پايىز جەڭٸلدٸك – شارتتى ورىنداپ, ارتىلعان اقشاسىن اۋىلدى ەلدٸمەكەندەردٸ اۋقىمدى ينتەرنەتپەن قامتاماسىز ەتۋ جۇمسايتىن بايلانىس وپەراتورلارىنا عانا بەرٸلەدٸ. بۇل مٸندەتتەمەلەر ورىندالماسا راديوجيٸلٸلٸك سپەكترٸنە دەگەن رۇقساتتى «بايلانىس تۋرالى» قازٸرگٸ زاڭناماعا سەيكەس قايتارىپ الۋعا بولادى. وسى ۇسىنىستاردى تالقىلاۋ بارىسىندا دا اتالمىش باعىتتا ٸلگەرٸ قادامدى جاساپ ٷلگەردٸك. بٸز وپەراتورلار وسى جىلدىڭ شٸلدە ايىنان باستاپ-اق ٶز قاراجاتى ەسەبٸنەن جەنە كووپەراتسييالارعا بٸرٸگٸپ, حالقى 250 ادامعا دەيٸنگٸ اۋىلدى ەلدٸمەكەندەرگە ينتەرنەت تارتۋ جۇمىستارىن باستاپ كەتتٸ. وسىلايشا «Nur Otan» پارتيياسىنىڭ سايلاۋ الدىنداعى ۋەدەسٸن ورىنداپ جاتىرمىز. بۇل دەگەنٸمٸز – جىلدىڭ سوڭىنا دەيٸن ينتەرنەتپەن قامتىلاتىن 4 137 اۋىل. الايدا الداعى بەس جىلدا بۇل باعىتتا جۇمسالاتىن قاراجات سول اۋىلدارداعى ينتەرنەتتٸڭ ساپاسىنا ارتتىرۋعا جۇمسالادى. سەبەبٸ بەلگٸلٸ بٸر اۋىلدى ەلدٸمەكەندەر مەن اۋماقتاردا ينتەرنەتتٸڭ ەلسٸز ەكەنٸن مويىندايمىز», - دەدٸ ول.
باعدات مۋسين سەناتتا بٷگٸن قارالعان نورمالار الداعى بەس جىلدا بۇل مەسەلەنٸ بٸرجولاتا شەشۋگە مٷمكٸندٸك بەرەتٸنٸن جەتكٸزدٸ.
