Foto: QR Mádeniet jáne aqparat ministrligi
Qalibek Qýanyshbaev atyndaǵy Qazaq ulttyq mýzykalyq drama teatrynyń jas ártisteri usynǵan «Keshki 7» spektakl-kontserti kórermenniń ystyq yqylasyna bólenýde, dep habarlaidy Ult.kz.
2023 jyldyń sáýirinde ótken premeradan bastap erekshe formattaǵy bul qoiylym kórermen júregin jaýlap aldy. Joba akterlerdiń ómiri men kúndelikterindegi mahabbat oqiǵalaryna negizdelgen. Jas rejisser Bázil Sultanǵazy, qoiýshy-sýretshi Shynar Elembaeva jáne hormeisterler Erjan Sansyzbaev pen Sultan Tursynbekovtiń birlesken jumysy shynaiy ári áserli qoiylymdy dúniege ákeldi.
Foto: QR Mádeniet jáne aqparat ministrligi
Ideia grim bólmesinde akterlerdiń mahabbat týraly áńgimelesýinen týyndaǵan. Nátijesinde, olardyń basynan ótken oqiǵalarǵa negizdelgen avtorlyq ánder men óleńder sahnada shyrqalady.
«Keshki 7» Kókshetaý, Qaraǵandy jáne Pavlodar qalalarynda kórsetilip, 4 myńnan astam kórermenniń joǵary baǵasyna ie boldy. Qoiylym avtorlary aldaǵy ýaqytta gastroldik týr arqyly Qazaqstannyń barlyq qalasyna barýdy josparlap otyr.
