Búgin májilistiń jalpy otyrysynan keiin Qorǵanys ministri Nurlan Ermekbaev jýrnalisterdiń birneshe suraǵyna jaýap berdi, dep habarlaidy "Ult aqparat".
BAQ ókilderi aldymen Arys qalasyna jaqyn turǵan áskeri bólim men onyń arsenalyn kóshirýge qansha qarajat qajet bolatynyn surady.
"Arsenaldy kóshirý týraly Elbasy men Qarýly kúshterdiń joǵary bas kolbasshynyń tapsyrmalary bar. Biz bul jumysty bastap kettik. Eki aptanyń ishinde osy oq-dárilerdi tasymaldaý jumystary bastalady. Qazir daiyndyq jumystary júrgizilip jatyr. Oǵan rezervten qarjy qarastyrylǵan.
Qazir biz eseptep jatyrmyz. Jalpy, kóshirýge birneshe milliard kerek bolady. Búginde esepteý jumystary júrgizilip jatyr", - dedi Ermekbaev.
Sodan soń tilshiler "Siz Arystaǵy jaǵdai úshin halyqtan keshirim suraisyz ba?" degen suraq qoidy. Ministr sál bógelip:
"Bireý kináli dep aitýǵa bolmaidy. Ol – tabiǵi nárse. Árbir arsenaldyń qaýpi bar. Men ázirshe keshirim suraityn sebep kórip turǵan joqpyn", - dep jaýap berdi.
