بٷگٸن مەجٸلٸستٸڭ جالپى وتىرىسىنان كەيٸن قورعانىس مينيسترٸ نۇرلان ەرمەكباەۆ جۋرناليستەردٸڭ بٸرنەشە سۇراعىنا جاۋاپ بەردٸ, دەپ حابارلايدى "ۇلت اقپارات".
باق ٶكٸلدەرٸ الدىمەن ارىس قالاسىنا جاقىن تۇرعان ەسكەري بٶلٸم مەن ونىڭ ارسەنالىن كٶشٸرۋگە قانشا قاراجات قاجەت بولاتىنىن سۇرادى.
"ارسەنالدى كٶشٸرۋ تۋرالى ەلباسى مەن قارۋلى كٷشتەردٸڭ جوعارى باس كولباسشىنىڭ تاپسىرمالارى بار. بٸز بۇل جۇمىستى باستاپ كەتتٸك. ەكٸ اپتانىڭ ٸشٸندە وسى وق-دەرٸلەردٸ تاسىمالداۋ جۇمىستارى باستالادى. قازٸر دايىندىق جۇمىستارى جٷرگٸزٸلٸپ جاتىر. وعان رەزەرۆتەن قارجى قاراستىرىلعان.
قازٸر بٸز ەسەپتەپ جاتىرمىز. جالپى, كٶشٸرۋگە بٸرنەشە ميلليارد كەرەك بولادى. بٷگٸندە ەسەپتەۋ جۇمىستارى جٷرگٸزٸلٸپ جاتىر", - دەدٸ ەرمەكباەۆ.
سودان سوڭ تٸلشٸلەر "سٸز ارىستاعى جاعداي ٷشٸن حالىقتان كەشٸرٸم سۇرايسىز با?" دەگەن سۇراق قويدى. مينيستر سەل بٶگەلٸپ:
"بٸرەۋ كٸنەلٸ دەپ ايتۋعا بولمايدى. ول – تابيعي نەرسە. ەربٸر ارسەنالدىڭ قاۋپٸ بار. مەن ەزٸرشە كەشٸرٸم سۇرايتىن سەبەپ كٶرٸپ تۇرعان جوقپىن", - دەپ جاۋاپ بەردٸ.
