11 qańtarda Qazaqstanda 692 adamnyń koronavirýs testi oń shyqty. 25 adamǵa koronavirýs pnevmoniiasy diagnozy qoiyldy. Bir kúnde 9 adam - koronavirýstan, 1 adam koronavirýs pnevmoniiasynan qaitys boldy. Densaýlyq saqtaý ministrliginiń 12 qańtar tańerteń habarlamasynda osyndai málimet kórsetilgen.
Dúisenbi kúni Almaty qalasy taǵy naýqastar sany jóninen respýblika boiynsha aldyńǵy orynǵa shyqty. Munda bir kúnde 110 adamǵa koronavirýs juqqany testpen naqtylanǵan. Almaty oblysynda - 75, Atyraý oblysynda - 74, Nur-Sultanda - 67, Qostanai oblysynda - 62, Aqmola oblysynda - 60, Soltústik Qazaqstan oblysynda - 52, Batys Qazaqstan oblysynda - 47, Qaraǵandy oblysynda 41 adamnan koronavirýs anyqtalǵan. Shyǵys Qazaqstan oblysynda - 27, Pavlodar oblysynda - 23, Túrkistan oblysynda - 20, Jambyl oblysynda 17 adamnyń PTR-testi oń shyqqan. Qalǵan oblystar men qalalarda bir kúnde anyqtalǵan naýqastar onǵa jetpeidi. Mańǵystaý oblysynda naýqas tirkelmegen.
Naýryz aiynan beri koronavirýs juqqany testpen rastalǵan naýqastar 163 711 adamǵa jetken, 2369-y qaitys bolǵan. 149 843 adam jazylǵan.
Qazaqstan biligi 1 tamyzdan beri pnevmoniianyń koronavirýsqa uqsas túrine jeke kod berip, bólek eseptep keledi.
Codan beri beri 46 375 adam koronavirýs pnevmoniiasyna shaldyqqan. 526 adam qaitys bolǵan. 33 945 adam jazylǵan.
Qazir koronavirýstan 23 403 adam (11 577-iniń PTR-testi oń shyqqan) emdelip jatyr. 283 adamnyń jaǵdaiy aýyr, 57 naýqastyń jaǵdaiy óte aýyr. 47 adam jasandy tynys apparatyna qosylǵan.
