Elimizde kepilge qoiylǵan páterlerdi endi jalǵa alýǵa bolady. Bul týraly Habar 24 habarlaidy.
Qarjy retteýshisi salymshylardyń múmkindigin eskerip, osyndai qadamǵa baryp otyr. Sarapshylar 2017 jyly eldegi ekonomikalyq ahýaldy saralai kele ipotekalyq nesie alǵandardy eki topqa bólip qaraǵan.
Birinshisi shetel valiýtasymen nesie alǵandar, ekinshisi ipotekany qaita qarjylandyrý baǵdarlamasyna qatysqanymen tólem qabileti tómen boryshkerler. Ulttyq bank naýryz aiynda bul baǵdarlamaǵa ózgeris engizip, 2016 jyly shetel valiýtasymen ipoteka rásimdegenderdiń nesiesin 2015 jylǵy teńge baǵamyna aýystyrý jóninde sheshim qabyldaǵan bolatyn.
Bul baǵdarlama 2026 jylǵa deiin uzartyldy. Biraq baǵdarlama boiynsha qaita qarjylandyrýǵa ótinish osy jyldyń 15 jeltoqsanyna deiin ǵana qabyldanady. Endi Ulttyq bank tabysy tómen turǵyndar úshin taǵy bir tiimdi jaǵdai qarastyryp otyr.
«Ulttyq bank ekinshi deńgeili bankterge kepilge qoiylǵan páterlerdi baspanaǵa muqtaj adamdarǵa jalǵa berýge ruqsat etti. Bul ózgeris 1 shilde kúni kúshine engen. Qazir onyń mehanizmi oilastyrylyp jatyr. Eger salymshy kepilge qoiylǵan páterdiń ai saiynǵy aqysyn tólep bitse, onda páter sol adamnyń menshigine ótedi. Bul baǵdarlamaǵa tek baspanasyn bankke kepilge qoiǵan turǵyndar ǵana qatysa alady», - dedi QR UB turǵyndardyń qarjylyq saýatyn arttyrý bóliminiń basshysy Minisa Hýsnýtdinova.
