Memleket basshysynyń «Abai jáne HHI ǵasyrdaǵy Qazaqstan» atty maqalasyna orai Muhtar Áýezov atyndaǵy ádebiet jáne óner institýtynyń direktory Kenjehan Matyjanov óz oiyn bildirdi, dep habarlaidy "Ult aqparat".
Kenjehan Matyjanovtyń pikirinshe, Memleket basshysy Qasym-Jomart Toqaevtyń «Egemen Qazaqstan» gazetinde jaryq kórgen maqalasy uly oishyl Abaidyń 175 jyldyq mereitoiyn álemdik deńgeide atap ótýdiń tujyrymdamalyq negizi ispetti.
Sondai-aq, ol Abaidyń áleýmettik, rýhani tujyrymdary qazaq úshin qashanda adastyrmaityn temirqazyq ekenin atap ótti.
«Abai – ultymyzdyń rýhani temirqazyǵy. Jyldyń basy QR Prezidenti Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasymen bastalýy bizdiń rýhani ómirimizdegi úlken qubylystyń biri. Bul – tereń oidy qozǵaǵan, óte salmaqty maqala dep esepteimin»,– deidi Kenjehan Matyjanov
Onyń aitýynsha, el Prezidentiniń Abaiǵa erekshe nazar aýdarǵanynda úlken mán bar.
«Ómir úlken kól, zamana soqqan jel»,- degen oishyl Abai. Ýaqyt ótken saiyn Abaidy kezeń-kezeńmen tanyp kelemiz. Abaiǵa árqashan jańa turǵydan oralyp kelip otyramyz. Biylǵy 175 jyldyq mereitoi ózgeshe bolmaq. Uly Abaidyń bizge ósiet etip ketken dúniesi osy eldiń erkindigi, halyqtyń bostandyǵy emes pe? Meniń oiymsha Abai bizdiń ulttyq bolmysymyzdyń úlken biigi, sondyqtan Abaidy jańasha taný kerek jáne ony jas urpaqqa jańasha túsindirý qajet. Biz Abai kórsetken uly joldan, Abai kórsetken adamgershilik, ulttyq nysanadan aýytqymaýymyz kerek», – deidi til mamany.
