Prezident Qasym-Jomart Toqaev asa kórnekti ǵalym, belgili qoǵam qairatkeri, QR Ǵylym akademiiasynyń burynǵy prezidenti, ekonomika ǵylymdarynyń doktory, professor Kenjeǵali Ábenuly Saǵadievtiń dúnieden ótýine bailanysty onyń otbasy men jaqyndaryna kóńil aityp, jedelhat joldady, dep habarlaidy Aqorda.
«Kenjeǵali Ábenuly memleketimizdi damytý isine mol úles qosty. QR Ǵylym akademiiasyna jáne Qazaq memlekettik agrarlyq ýniversitetine basshylyq jasady. Parlament Májilisiniń III jáne IV shaqyrylymdarynyń depýtaty bolyp, otandyq zańnamany jetildirýge atsalysty, uzaq jyldar boiy ustaz retinde shákirtter tárbieledi. Artynda óshpes iz, ulaǵatty urpaq, ǵylymi mura qaldyrdy. Marqumnyń jany jánnatta, imany salamat bolsyn», — delingen jedelhatta.
Aita keteiik, keshe akademik Kenjeǵali Saǵadiev 82 jasynda dúnieden ótken bolatyn.
