Foto: ShÓKQ
Kentaý qalasyndaǵy dámhanada bolǵan jarylys saldarynan zardap shekken ekinshi adam kóz jumdy. Bul týraly aqparat áleýmettik jelilerde tarady. Oqiǵany jergilikti ákimdik rastady, dep habarlaidy Ult.kz otyrar.kz saityna silteme jasap.
Apat kezinde denesiniń 90 paiyzyn kúiik shalǵan jas jigit keshe jer qoinyna tapsyrylǵan.
Eske salaiyq, 1 qańtar kúni kópqabatty turǵyn úidiń birinshi qabatynda ornalasqan qoǵamdyq tamaqtaný ornynda gaz-aýa qospasynyń jarylysy bolyp, arty órtke ulasqan edi. Qaiǵyly oqiǵa saldarynan 18 jastaǵy stýdent oqiǵa ornynda qaza taýyp, taǵy tórt adam túrli jaraqat alǵan. Olardyń ekeýi jansaqtaý bólimine jatqyzylǵan bolatyn.
Atalǵan derek boiynsha qylmystyq is qozǵalyp, qazirgi tańda tergeý amaldary júrgizilýde.
