فوتو: شٶكق
كەنتاۋ قالاسىنداعى دەمحانادا بولعان جارىلىس سالدارىنان زارداپ شەككەن ەكٸنشٸ ادام كٶز جۇمدى. بۇل تۋرالى اقپارات ەلەۋمەتتٸك جەلٸلەردە تارادى. وقيعانى جەرگٸلٸكتٸ ەكٸمدٸك راستادى, دەپ حابارلايدى Ult.kz otyrar.kz سايتىنا سٸلتەمە جاساپ.
اپات كەزٸندە دەنەسٸنٸڭ 90 پايىزىن كٷيٸك شالعان جاس جٸگٸت كەشە جەر قوينىنا تاپسىرىلعان.
ەسكە سالايىق, 1 قاڭتار كٷنٸ كٶپقاباتتى تۇرعىن ٷيدٸڭ بٸرٸنشٸ قاباتىندا ورنالاسقان قوعامدىق تاماقتانۋ ورنىندا گاز-اۋا قوسپاسىنىڭ جارىلىسى بولىپ, ارتى ٶرتكە ۇلاسقان ەدٸ. قايعىلى وقيعا سالدارىنان 18 جاستاعى ستۋدەنت وقيعا ورنىندا قازا تاۋىپ, تاعى تٶرت ادام تٷرلٸ جاراقات العان. ولاردىڭ ەكەۋٸ جانساقتاۋ بٶلٸمٸنە جاتقىزىلعان بولاتىن.
اتالعان دەرەك بويىنشا قىلمىستىق ٸس قوزعالىپ, قازٸرگٸ تاڭدا تەرگەۋ امالدارى جٷرگٸزٸلۋدە.
