Túrkistan oblysy, Kentaý qalasynda koronavirýs juqtyrǵan áiel bosandy. Qazir sábi oqshaýlanyp, oblystyq perzenthanada dárigerlerdiń baqylaýyna alyndy, dep habarlaidy "Ult aqparat".
Oblystyq Qoǵamdyq densaýlyq basqarmasynyń málimetinshe, bosaný ýaqyty jaqyndaǵan 22 jastaǵy júkti áiel Kentaý qalalyq ortalyq aýrýhananyń juqpaly aýrýlar statsionaryna 27 sáýir kúni jatqyzylǵan. Onyń densaýlyǵy tolyq tekserilip, koronavirýsty infektsiianyń ortasha dárejedegi aýyrlyq jaǵdaiy rastalǵan. Naýqasta dene qyzýynyń kóterilýi men eki jaqty pnevmoniia, jótel belgileri bolǵan. Gemotransfýziia jasalynyp, emdeý sharalary jasalǵan.
Nátijesinde aýrýhananyń bilikti dáriger-reanimatologtary men ginekologtary jáne akýsher quramy júkti áieldi sátti bosandyryp alǵan. Salmaǵy 3400 gr bolatyn ul bala dúniege keldi.
«Anasy juqpaly aýrýlar bóliminde em qabyldaýda. Barlyq meditsinalyq shara Kentaý qalalyq ortalyq aýrýhanasynyń bas dárigeri Gúlbaný Syzdyqovanyń tikelei basqarýymen júrgizildi. Ana men bala ómirine arasha túsip, jankeshti erlik tanytqan dáriger –ginekolog Gúljan Dúkenbaeva, akýsher Gúlsanam Majitova, reanimatolog Ysqaq Qanat pen dáriger-infektsionist Mýhtabar Shermetovaǵa naýqastyń týǵan-týystary alǵystaryn bildirýde», - delingen habarlamada.
