Kentaýda jastar arasyndaǵy janjal kisi ólimimen aiaqtaldy. Kúdikti qarsylasyn pyshaqtap óltirgen, - dep habarlaidy Tengrinews.kz tilshisi.
Politsiiaǵa Kentaýda qurylysy aiaqtalmaǵan nysan aýmaǵynan er adamnyń máiiti tabylǵany týraly aqparat keshki 21:00-de túsken. Kóp uzamai jábirlenýshiniń Kentaý qalasynyń turǵyny ekeni belgili boldy. Bul derekti politsiia qyzmetkerleri QR QK-niń 99-baby 1-bóligi (Adam óltirý) boiynsha tirkelgen.
Kriminaldyq politsiia izdeý sharalarynyń nátijesinde bir táýlikten keiin kúdiktini Almaty qalasynan ustady. Ol buryn tonaý úshin sottalǵan Kentaý qalasynyń turǵyny bolyp shyqty. Er adam politsiia bólimine jetkizildi.
"Eki er adam dúken esiginen kirer sátte iyq tiresip, artynan sol úshin sózge kelip qalǵan. Sodan jábirlenýshi oqiǵa ornynan shyǵyp ketip, birer minýttardan soń atalǵan dúkenge Range Rover kóligimen qaita kelip, kúdiktimen daýdy sheshpek bolady. Odan ári janjal Kentaý qalasyna kireberis mańyndaǵy aiaqtalmaǵan nysan aýmaǵynda jalǵasqan. Onda eki er adam tóbelesip, sońynda kúdikti jábirlenýshini pyshaqtap, qylmys ornynan qashyp ketken.
Qazirgi ýaqytta atalǵan jait boiynsha sotaldy tergeý amaldary júrgizilip jatyr. Zattai dálel retinde pyshaq alyndy. Kúdikti qamaýda. Oqiǵanyń mán-jaiy anyqtalyp jatyr", - delingen habarlamada.
