كەنتاۋدا جاستار اراسىنداعى جانجال كٸسٸ ٶلٸمٸمەن اياقتالدى. كٷدٸكتٸ قارسىلاسىن پىشاقتاپ ٶلتٸرگەن, - دەپ حابارلايدى Tengrinews.kz تٸلشٸسٸ.
پوليتسيياعا كەنتاۋدا قۇرىلىسى اياقتالماعان نىسان اۋماعىنان ەر ادامنىڭ مەيٸتٸ تابىلعانى تۋرالى اقپارات كەشكٸ 21:00-دە تٷسكەن. كٶپ ۇزاماي جەبٸرلەنۋشٸنٸڭ كەنتاۋ قالاسىنىڭ تۇرعىنى ەكەنٸ بەلگٸلٸ بولدى. بۇل دەرەكتٸ پوليتسييا قىزمەتكەرلەرٸ قر قك-نٸڭ 99-بابى 1-بٶلٸگٸ (ادام ٶلتٸرۋ) بويىنشا تٸركەلگەن.
كريمينالدىق پوليتسييا ٸزدەۋ شارالارىنىڭ نەتيجەسٸندە بٸر تەۋلٸكتەن كەيٸن كٷدٸكتٸنٸ الماتى قالاسىنان ۇستادى. ول بۇرىن توناۋ ٷشٸن سوتتالعان كەنتاۋ قالاسىنىڭ تۇرعىنى بولىپ شىقتى. ەر ادام پوليتسييا بٶلٸمٸنە جەتكٸزٸلدٸ.
"ەكٸ ەر ادام دٷكەن ەسٸگٸنەن كٸرەر سەتتە يىق تٸرەسٸپ, ارتىنان سول ٷشٸن سٶزگە كەلٸپ قالعان. سودان جەبٸرلەنۋشٸ وقيعا ورنىنان شىعىپ كەتٸپ, بٸرەر مينۋتتاردان سوڭ اتالعان دٷكەنگە Rاnge Rover كٶلٸگٸمەن قايتا كەلٸپ, كٷدٸكتٸمەن داۋدى شەشپەك بولادى. ودان ەرٸ جانجال كەنتاۋ قالاسىنا كٸرەبەرٸس ماڭىنداعى اياقتالماعان نىسان اۋماعىندا جالعاسقان. وندا ەكٸ ەر ادام تٶبەلەسٸپ, سوڭىندا كٷدٸكتٸ جەبٸرلەنۋشٸنٸ پىشاقتاپ, قىلمىس ورنىنان قاشىپ كەتكەن.
قازٸرگٸ ۋاقىتتا اتالعان جايت بويىنشا سوتالدى تەرگەۋ امالدارى جٷرگٸزٸلٸپ جاتىر. زاتتاي دەلەل رەتٸندە پىشاق الىندى. كٷدٸكتٸ قاماۋدا. وقيعانىڭ مەن-جايى انىقتالىپ جاتىر", - دەلٸنگەن حابارلامادا.
