Kentaý qalasynyń politseileri 12 million teńgeniń elektr baǵanynyń jabdyqtaryn urlady degen kúdikpen eki adamdy ustady, – dep habarlaidy Polisia.kz.
Kentaý qalalyq politsiia basqarmasyna jaryqpen qamtamasyz etetin mekemelerdiń biri belgisiz bireýlerdiń jol boiynda ornalasqan elektr baǵanasynyń jabdyqtaryn jymqyryp júrgenine shaǵymdanǵan
Jábirlenýshige keltirilgen shyǵyn kólemi 12 million teńgeni qurady. Atalǵan jaitty kentaýlyq politseiler QR Qylmystyq Kodeksiniń 188-baby (Urlyq) boiynsha tirkep, jedel ýákilder toby oqiǵa bolǵan jerge bet aldy. Tártip saqshylary 10 kún boiy qylmyskerlerdi anyqtaý maqsatynda túrli izdestirý jumystaryn júrgizdi. Nátijesinde politseiler kúdikti dep tanylǵan eki er adamnyń izine túsip, olardy politsiia bólimine jetkizildi.
Belgili bolǵandai, kúdiktilerdiń bireýi Shymkent qalasynyń turǵyny bolsa, ekinshisi Túrkistan qalasynyń turǵyny. Sonymen qatar kentaýlyq politseiler kúdiktilerdiń jymqyrǵan elektr bólshekterin jarty baǵasyna satyp jibergenin anyqtady, odan túsken paidanys ózderiniń qajettiligine jumsaǵan.
Búginde kúdiktiler óz kinásin tolyqtai moiyndady. Politseiler kúdikti ekeýdiń sotty bolǵanyn anyqtady. Qazirgi tańda kúdiktilerge qatysty tergeý amaldary jalǵasýda.
