كەنتاۋ قالاسىنىڭ پوليتسەيلەرٸ 12 ميلليون تەڭگەنٸڭ ەلەكتر باعانىنىڭ جابدىقتارىن ۇرلادى دەگەن كٷدٸكپەن ەكٸ ادامدى ۇستادى, – دەپ حابارلايدى Polisia.kz.
كەنتاۋ قالالىق پوليتسييا باسقارماسىنا جارىقپەن قامتاماسىز ەتەتٸن مەكەمەلەردٸڭ بٸرٸ بەلگٸسٸز بٸرەۋلەردٸڭ جول بويىندا ورنالاسقان ەلەكتر باعاناسىنىڭ جابدىقتارىن جىمقىرىپ جٷرگەنٸنە شاعىمدانعان
جەبٸرلەنۋشٸگە كەلتٸرٸلگەن شىعىن كٶلەمٸ 12 ميلليون تەڭگەنٸ قۇرادى. اتالعان جايتتى كەنتاۋلىق پوليتسەيلەر قر قىلمىستىق كودەكسٸنٸڭ 188-بابى (ۇرلىق) بويىنشا تٸركەپ, جەدەل ۋەكٸلدەر توبى وقيعا بولعان جەرگە بەت الدى. تەرتٸپ ساقشىلارى 10 كٷن بويى قىلمىسكەرلەردٸ انىقتاۋ ماقساتىندا تٷرلٸ ٸزدەستٸرۋ جۇمىستارىن جٷرگٸزدٸ. نەتيجەسٸندە پوليتسەيلەر كٷدٸكتٸ دەپ تانىلعان ەكٸ ەر ادامنىڭ ٸزٸنە تٷسٸپ, ولاردى پوليتسييا بٶلٸمٸنە جەتكٸزٸلدٸ.
بەلگٸلٸ بولعانداي, كٷدٸكتٸلەردٸڭ بٸرەۋٸ شىمكەنت قالاسىنىڭ تۇرعىنى بولسا, ەكٸنشٸسٸ تٷركٸستان قالاسىنىڭ تۇرعىنى. سونىمەن قاتار كەنتاۋلىق پوليتسەيلەر كٷدٸكتٸلەردٸڭ جىمقىرعان ەلەكتر بٶلشەكتەرٸن جارتى باعاسىنا ساتىپ جٸبەرگەنٸن انىقتادى, ودان تٷسكەن پايدانىس ٶزدەرٸنٸڭ قاجەتتٸلٸگٸنە جۇمساعان.
بٷگٸندە كٷدٸكتٸلەر ٶز كٸنەسٸن تولىقتاي مويىندادى. پوليتسەيلەر كٷدٸكتٸ ەكەۋدٸڭ سوتتى بولعانىن انىقتادى. قازٸرگٸ تاڭدا كٷدٸكتٸلەرگە قاتىستى تەرگەۋ امالدارى جالعاسۋدا.
