Foto: ashyq derekkóz
Kentaý qalasynyń turǵyny kámeletke tolmaǵan eki ógei qyzyna qatysty zorlyq-zombylyq jasady degen kúdikpen qamaýǵa alyndy. Bul týraly politsiiaǵa qyzdardyń týysy aryzdanǵan, dep habarlaidy Ult.kz.
Aldyn ala málimetterge sáikes, qylmys shamamen 5 jyl buryn jasalǵan. Alaida atalǵan jait boiynsha politsiiaǵa aryz 2025 jyldyń jeltoqsan aiynda ǵana túsken. Oqiǵa bolǵan kezde eki qyz da kámeletke tolmaǵan.
Túrkistan oblysy Politsiia departamentiniń baspasóz qyzmetiniń habarlaýynsha, atalǵan derek boiynsha qylmystyq is qozǵalyp, kúdikti ustalyp, ýaqytsha ustaý izoliatoryna qamaldy.
Qazirgi ýaqytta jábirlenýshi qyzdar anasynyń qasynda. Is boiynsha qajetti saraptamalar taǵaiyndalyp, tergeý amaldary júrgizilip jatyr.
