Túrkistanda jer alýǵa qujat rásimdep beremin dep alaiaqtyq jasaǵan er adam ustaldy, dep habarlaidy QazAqparat oblystyq PD baspasóz qyzmetine silteme jasap.
Túlkibas APB-ǵa jergilikti turǵyn aryzdanyp, tanys azamat jerge qujat jasap beremin dep 70 000 teńge aqshasyn alyp, san soqtyryp ketkenin kórsetken. Atalǵan jaitty politsiia qyzmetkerleri QR QK-niń 190-baby «Alaiaqtyq» boiynsha tirkeýge alǵan.
Jedel-tergeý tobynyń shuǵyl izdestirý jumystarynyń nátijesinde Túlkibas aýdanynyń turǵynyn anyqtap, tártip saqshylary ony politsiia bólimine jetkizdi.
Tergeý kezinde belgili bolǵandai, kúdikti aldaý jolymen alǵanyn moiyndady. Qazirgi tańda kúdikti er adamǵa qatysty sotqa deiingi tergep-tekserý amaldary júrgizilýde.
Politsiia qyzmetkerleri turǵyndarǵa kúmándi qyzmet usynǵan kez kelgen adamǵa senbeýin eskertedi.
