تٷركٸستاندا جەر الۋعا قۇجات رەسٸمدەپ بەرەمٸن دەپ الاياقتىق جاساعان ەر ادام ۇستالدى, دەپ حابارلايدى قازاقپارات وبلىستىق پد باسپاسٶز قىزمەتٸنە سٸلتەمە جاساپ.
تٷلكٸباس اپب-عا جەرگٸلٸكتٸ تۇرعىن ارىزدانىپ, تانىس ازامات جەرگە قۇجات جاساپ بەرەمٸن دەپ 70 000 تەڭگە اقشاسىن الىپ, سان سوقتىرىپ كەتكەنٸن كٶرسەتكەن. اتالعان جايتتى پوليتسييا قىزمەتكەرلەرٸ قر قك-نٸڭ 190-بابى «الاياقتىق» بويىنشا تٸركەۋگە العان.
جەدەل-تەرگەۋ توبىنىڭ شۇعىل ٸزدەستٸرۋ جۇمىستارىنىڭ نەتيجەسٸندە تٷلكٸباس اۋدانىنىڭ تۇرعىنىن انىقتاپ, تەرتٸپ ساقشىلارى ونى پوليتسييا بٶلٸمٸنە جەتكٸزدٸ.
تەرگەۋ كەزٸندە بەلگٸلٸ بولعانداي, كٷدٸكتٸ الداۋ جولىمەن العانىن مويىندادى. قازٸرگٸ تاڭدا كٷدٸكتٸ ەر ادامعا قاتىستى سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە.
پوليتسييا قىزمەتكەرلەرٸ تۇرعىندارعا كٷمەندٸ قىزمەت ۇسىنعان كەز كەلگەن ادامعا سەنبەۋٸن ەسكەرتەدٸ.
