Qańtardyń 5-ine AQSh-tyń áskeri bazasyna jasalǵan shabýyldan AQSh qorǵanys ministrliginiń bir jaýyngeri men kelisim shartpen jumys istep júrgen eki áskeri mert bolǵan.
Keniia jáne AQSh qorǵanys ministrligi birge paidalanyp otyrǵan Manda-bei áskeri-áýe bazasyna "Ál-Shabab» terrorlyq toby shabýyl jasaǵan. Baza Keniia men Somali shekarasy mańyndaǵy Lamý qalasynda ornalasqan.
Afrikadaǵy AQSh áskeri kúshteriniń málimdeýinshe, shabýyl saldarynan AQSh qorǵanys ministrliginiń taǵy eki ókili jaralanǵan.
Keniia áskeri qolbasshylyǵy "bes sodyrdyń kózi joiylǵanyn" málimdedi. Keniia áskerileriniń habarlaýynsha, qarýly shabýyldyń beti qaitarylǵan, shabýyldan shyqqan órt sóndirilip, áýejaidyń ushý jáne qoný alańyna esh qaýip joq dep habarlandy. Ál-Shabab toby ózderi shabýyl jasaǵan ushaqtyń sýretin jariialaǵan.
Somalidegi Ál-Shabab toby ál-Qaida terrorlyq uiymymen bailanys ornatqan delinedi. Top paida bolǵan on jyldan beri aimaqta birneshe shabýyl jasaǵan.
