©REUTERS
Keniiadaǵy eń iri "Tsavo" ulttyq parkinde qatty qurǵaqshylyq saldarynan 78-ge jýyq pil qyrylyp qalǵan, - dep habarlaidy Tengrinews.kz agenttigi Nation Africa saityna silteme jasap.
Týrizm jáne jabaiy tabiǵat jónindegi ministrlik hatshysy Nadjib Balala pilder 2021 jylǵy shildeden 2022 jylǵy sáýirge deiin qyrylǵanyn aitty.
2021 jylǵy sanaqqa sáikes, ekojúiede 14 964 pil ómir súredi. Ministrdiń aitýynsha, klimattyń ózgerýi tabiǵatty qorǵaýda úlken problemaǵa ainalyp otyr. Óitkeni janýarlar áli de qurǵaqshylyqtan zardap shegip jatyr.
"Jabaiy janýarlardyń zańsyz saýdasynan birneshe pilden aiyryldyq, biraq klimattyń ózgerýi de osyndai úlken problemaǵa ainaldy. Óitkeni qurǵaqshylyq saldarynan kóptegen janýar qyryldy", - dedi ol.
Qurǵaqshylyq Tsavo ulttyq parkindegi ómirge teris áser etedi, bul jabaiy janýarlardy kórshi rancholar men eldi mekenderge kóshirýge májbúr etedi. Sonymen qatar, adam men jabaiy tabiǵat arasyndaǵy qaqtyǵys jaǵdailarynyń sanyn arttyrady.
Sunday Nation júrgizgen tekseris nátijesi uńǵymalardaǵy sý deńgeii tómendegenin kórsetti. Ózender siiaqty basqa da sý kózderi keýip ketken, al keibir sýaratyn jerler las nemese olar da qurǵap qalǵan.
Afrika jabaiy tabiǵat qorynyń (AWF) ekology Ken Kimiteianyń aitýynsha, qurǵaqshylyq jabaiy tabiǵatqa qatty áser etti. Onyń aitýynsha, daǵdarys jalǵassa, pilderdiń sany odan ári tómendeýi múmkin.
"Klimattyń ózgerýi - problema, óitkeni pil kúnine shamamen 200 keli tamaq jep, 200 litr sý ishedi. Qurǵaqshylyq jalǵassa, odan da kóp pil qyrylýy múmkin", - dedi ol.
Basylym málimetinshe, qurǵaqshylyq qaýpin azaitý úshin úkimet 13 sý qoimasyn salýdy josparlap otyr. Sondai-aq, 200 000 aǵash otyrǵyzylatyn ekojúie bastaldy
