Foto: Sý resýrstary jáne irrigatsiia ministrliginiń baspasóz qyzmeti
Ulytaý oblystyq prokýratýrasy Keńgir sý qoimasynyń gidrotehnikalyq qurylystary memleketke qaitarylǵanyn habarlady. Bul týraly Ult.kz habarlaidy.
Ulytaý oblysynyń igilikteriniń biri, sondai-aq energetika jáne irrigatsiia salasynda sýdyń basty retteýshisi — Keńgir sý qoimasy sanalady. Sý qoimasy 1952 jyly salynǵan (319 million sharshy metr) jáne onyń gidrotehnikalyq qurylystary strategiialyq obektiler katarynda, demek memleket menshiginde bolýy tiis. Óz kezinde bul obektiler qala quraýshy kásiporyn «Kazakhmys Distribution» JShS balansyna berilgen.
"Múlikti qaitarý úshin oblys prokýratýrasy Sý resýrstary ministriniń atyna usyný engizdi. Prokýrorlyq qadaǵalaý aktisin oryndaý maqsatynda syiǵa tartý sharty jasalyp, obektini berý aktisine qol qoiyldy. Endi ýákiletti organdar olardy jańǵyrtý jóninde odan ári sharalar qabyldaý maqsatynda sý qoimasy men onyń gidrotehnikalyq qurylystaryna kóp faktorly zertteý jumystaryn júrgizý qajet", — dep atap ótti vedomstvo.
