Foto: t.me/QR_Su_resurstari_ministrligi
Ulytaý oblysyndaǵy Keńgir sý qoimasy memleket menshigine qaitarylady. Bul týraly oblys turǵyndarymen kezdesý barysynda Sý resýrstary jáne irrigatsiia ministri Nurjan Nurjigitov málimdedi.
Búgingi tańda sý qoimasyn memleketke qaitarý protsesi aiaqtalýǵa jaqyn. Nysan osy jyldyń sońyna deiin Sý resýrstary jáne irrigatsiia ministrliginiń "Qazsýshar" respýblikalyq kásipornynyń balansyna kóshýge tiis.
Keńgir – Ulytaý oblysyndaǵy eń iri sý qoimasy. Onyń jalpy kólemi 319 million tekshe metr.
"Keńgir sý qoimasy aimaqtaǵy sýdyń negizgi kózi bolyp tabylady. Jergilikti turǵyndar sýdyń sapasyna, onyń tiimsiz paidalanylýyna jáne ekologiialyq máselelerge alańdaýshylyq bildirip otyr. Nysandaǵy gidrotehnikalyq qurylystar apatty jaǵdaida. Sý qoimasyn memleket menshigine qaitarǵannan keiin biz qordalanǵan máselelerdi sheshý úshin eń aldymen kóp faktorly zertteý júrgizemiz", - dedi sý resýrstary jáne irrigatsiia ministri Nurjan Nurjigitov.
Sondai-aq Ulytaý oblysynyń turǵyndary ministrge óńirdi aýyz sýmen qamtamasyz etý, aýyz sýdyń sapasyn jaqsartý, jerasty sý qubyrlaryn jóndeý jáne jergilikti sý aidyndarynyń ekologiialyq jaǵdaiy týraly suraqtaryn qoidy.
