Foto:Akorda.kz
Kenesary hannyń Qurany Qazaqstan musylmandary Dini basqarmasyna tabystaldy, dep habarlaidy "Ult aqparat" Aqordanyń resmi saityna silteme jasap.
Memleket basshysy Túrkistanda ótken Ulttyq quryltaidyń ekinshi otyrysynda áigili Maral ishannyń Kenesary hanǵa syilaǵan Quran kitaby tabylǵany jáne onyń elge oralǵany jaiynda málim etken bolatyn.
Qasym-Jomart Toqaev óz sózinde Kenesary hannyń Qurany Qazaqstan musylmandary Dini basqarmasyna tabystalatynyn atap ótken edi.
Búgin Prezidenttiń tikelei tapsyrmasy boiynsha Memlekettik keńesshi Erlan Qarin Múftiiatqa baryp, Kenesary hannyń Quranyn tabystady.
Memlekettik keńesshi Qurandy otandyq jáne sheteldik joǵary bilikti, tájiribeli mamandar tolyqtai zerttegenin, biraýyzdan onyń Kenesary hanǵa tiesili ekenin anyqtaǵanyn aitty. Sonymen qatar ol Qurannyń jan-jaqty sipattamasyn baiandap, erekshelikterin jetkizdi.
Ǵalymdar Qurannyń bul nusqasy qazaq halqynyń tarihi jádigeri ekenin rastap, onyń tarihi jáne mýzeilik qundylyǵy óte joǵary dep baǵalap otyr.
Saltanatty rásimge qoǵam qairatkerleri, ziialy qaýym ókilderi, Ulttyq quryltaidyń músheleri men din qyzmetkerleri qatysty.
