فوتو:Akorda.kz
كەنەسارى حاننىڭ قۇرانى قازاقستان مۇسىلماندارى دٸني باسقارماسىنا تابىستالدى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى تٷركٸستاندا ٶتكەن ۇلتتىق قۇرىلتايدىڭ ەكٸنشٸ وتىرىسىندا ەيگٸلٸ مارال يشاننىڭ كەنەسارى حانعا سىيلاعان قۇران كٸتابى تابىلعانى جەنە ونىڭ ەلگە ورالعانى جايىندا مەلٸم ەتكەن بولاتىن.
قاسىم-جومارت توقاەۆ ٶز سٶزٸندە كەنەسارى حاننىڭ قۇرانى قازاقستان مۇسىلماندارى دٸني باسقارماسىنا تابىستالاتىنىن اتاپ ٶتكەن ەدٸ.
بٷگٸن پرەزيدەنتتٸڭ تٸكەلەي تاپسىرماسى بويىنشا مەملەكەتتٸك كەڭەسشٸ ەرلان قارين مٷفتيياتقا بارىپ, كەنەسارى حاننىڭ قۇرانىن تابىستادى.
مەملەكەتتٸك كەڭەسشٸ قۇراندى وتاندىق جەنە شەتەلدٸك جوعارى بٸلٸكتٸ, تەجٸريبەلٸ ماماندار تولىقتاي زەرتتەگەنٸن, بٸراۋىزدان ونىڭ كەنەسارى حانعا تيەسٸلٸ ەكەنٸن انىقتاعانىن ايتتى. سونىمەن قاتار ول قۇراننىڭ جان-جاقتى سيپاتتاماسىن بايانداپ, ەرەكشەلٸكتەرٸن جەتكٸزدٸ.
عالىمدار قۇراننىڭ بۇل نۇسقاسى قازاق حالقىنىڭ تاريحي جەدٸگەرٸ ەكەنٸن راستاپ, ونىڭ تاريحي جەنە مۋزەيلٸك قۇندىلىعى ٶتە جوعارى دەپ باعالاپ وتىر.
سالتاناتتى رەسٸمگە قوعام قايراتكەرلەرٸ, زييالى قاۋىم ٶكٸلدەرٸ, ۇلتتىق قۇرىلتايدىڭ مٷشەلەرٸ مەن دٸن قىزمەتكەرلەرٸ قاتىستى.
