«Kazkommertsbank» AQ aktsionerleri kezekten tys jinalysta basqarý organynyń jańa múshelerin sailaý týraly sheshim qabyldady, dep habarlaidy Ult.kz tilshisi QazAqparat agenttigine silteme jasap.
Qarjylyq uiym taratqan aqparatqa sáikes, «Kazkommertsbank» AQ Direktorlar keńesiniń jańa quramyna úsh jyldyq merzimge alty tulǵa sailandy. Direktorlar keńesiniń quramyn bekitý týraly ózge de usynystardyń bolmaýy nazarǵa alynyp, iri aktsionerdiń usynysy boiynsha Vokýrka Ýlf, Asqar Raýshanuly Elemesov, Azamat Myrzadanuly Joldasbekov, Arman Ǵaliasqaruly Dýnaev, Áliia Sákenqyzy Qarpyqova, Sáýle Bahytkereiqyzy Kishkimbaeva «Kazkommertsbank» AQ-nyń Direktorlar keńesiniń músheleri bolyp sailandy.
«Solardyń ishinde Asqar Elemesov, Azamat Joldasbekov jáne Arman Dýnaev Qazkommertsbanktiń basqarý organyna táýelsiz direktorlar retinde, al Áliia Qarpyqova «Qazaqstannyń Halyq Banki» AQ-y aktsioneriniń ókili retinde sailandy. Bank aktsionerleri sondai-aq QKB Direktorlar keńesiniń jańa músheleri syiaqysynyń mólsheri men tólemniń sharttaryn qarastyryp, bekitti», - delingen habarlamada.
Sonymen qosa, aktsionerler QR «Aktsionerlik qoǵamdar týraly» zańyna sáikes «Kazkommertsbank» Direktorlar keńesiniń tóraǵasy Keńes Raqyshev, Direktorlar keńesi tóraǵasynyń orynbasary, táýelsiz direktor Serik Ahanovtyń, Mark Holtsmannyń, táýelsiz direktor Rashit Mahat tyń, aktsionerdiń ókili Nurlan Ábdýovtiń ókilettiligin merziminen buryn toqtatý týraly sheshim qabyldady.
