Tanymal prodiýser Baian Alagózova kúieýi Tursen Alagózovpen túsken romantikalyq sýretin jariialap, jeli qoldanýshylarynyń qyzý talqysyna tústi, dep habarlaidy ult.kz, QirTösek paraqshasyna silteme qaldyryp.
Prodiýser áleýmettik jelidegi paraqshasynda joldasymen súiisip turǵan sátin kópshilikke kórsetken. Jazbasyna ol:
«Mahabbatyń qadirlep zańdaryn, adamnyń bitpes armany», - dep jazǵan.
Alaida erli-zaiyptylardyń romantikalyq videosy jeli qoldanýshylarynyń bir bóligine unamai, túrli syn-pikirler aitylǵan.
«Zachem lichnoe vystavliat napokaz», «Asha Mataidyń úlken ápkesi ǵoi… búkil eldiń aldynda jalańash buttarymen súiisý», «Fý! Bez vnimaniia qalyp osy lai istegen», «50-den astyń, 60 jaqyndap qaldy, nemereleriń bar aq jaýlyqty ájesiń ǵoi», «Qansha jerden boianyp, eringe, betke blefaroplastika jasatyp, jastarsha kiinseń de, kempir ekenińdi moiynda», - dep jazdy oqyrmandar.
Sonymen qatar prodiýserdi qoldaǵandar da tabyldy. Olar adamnyń jasyna qaramastan jubaiyna sezimin ashyq bildirýinde turǵan eshteńe joq ekenin aityp, Baian Alagózovanyń ózine kútim jasap, baqytty ómirin kórsetýge quqyǵy bar ekenin jazǵan.
Jelide taraǵan video kópshiliktiń pikirin ekige bóldi. Biri mundai jeke sátterdi kópshilikke kórsetýdi artyq dep sanasa, endi biri erli-zaiyptylar arasyndaǵy mahabbatty jasyrýdyń qajeti joq ekenin alǵa tartty.
