"Zimniaia vishnia" saýda ortalyǵynda taǵy da órt shyǵyp, tez arada sóndirildi.
Mash Telegram-arnasynyń málimetine súiensek, birinshi qabattaǵy eskalatordyń astynan tútin shyqqan.
Keiinirek jariialanǵan habarlamaǵa sáikes, bul joly órt tez arada sóndirilgen eken. Jalpy aýmaǵy bes sharshy metrdi qurapty. Sodan soń saýda ortalyǵyna qaita kirýge ruqsat etildi.
Budan buryn jeksenbi kúni osy saýda ortalyǵynda órt shyqqan bolatyn.
Mash jazǵandai, 19 jáne 22 naýryzda ortalyqta eki ret órt týraly dabyl esh sebepsiz iske qosylyp, signaldy óshire almaǵan tehnikalyq qyzmetker búkil dabyl qaǵý júiesin sóndirip tastaǵan eken.
Sońǵy derekterge súiensek, órt saldarynan 64 adam ajal qushqan. Qaiǵyly oqiǵaǵa bailanysty 28 naýryz jalpyulttyq aza tutý kúni bolyp jariialandy.
