Kemerovodaǵy saýda úiiniń órtinde otbasynan airylǵan er adam saýda ortalyǵynyń beinebaqylaý kamerasyna túsken beinejazbany kórip, pikirimen bólisti.
Órtte Igor Vostrikovtyń áieli, ápkesi men 3 balasy qaza boldy. Onyń aitýynsha, kinoteatrdaǵy bir zaldyń esigi jabyq turǵan. Ol shaǵymyn jelidegi paraqshasynda jazdy.
Vostrikov SO-nyń beinebaqylaýyndaǵy jazbaǵa qol jetkizgen. Órt bolǵan kezde bir zalda ǵana mýltfilm kórsetilip jatqan. Qalǵandary bos bolǵan.
«Belgisiz er adam esikti qulyptap, sańylaý jasap, qutqarýshylardy kútedi, biraq olar ol jerge kelmegen», – deidi ol.
Onyń aitýynsha, esikti qulyptaǵan er adam adamdardy qutqara alatyn edi.
Sonymen qosa Vostrikovti mynadai suraq mazalaǵan, nege ǵimarattaǵy órt sóndirý qurylǵylary qoldanylmaǵan.
Vostrikov órt sóndirýshilerdiń oqiǵa ornyna ýaqytynda kelgenine kúmán keltirdi.
Aita keteiik, «Zimniaia vishnia» SO-daǵy órtten 64 qaza tapqan, onyń 41-i bala.
