"Zimniaia vishnia" saýda ortalyǵyndaǵy órt kezinde aman qalǵan 11 jastaǵy bala aýrýhanadan shyqty, dep habarlaidy sputniknews.kz RIA Novosti-ǵa silteme jasap.
"Balany búgin aýrýhanadan shyǵardy. Jaǵdaiy jaqsy – ózi júrip-tura alady. Bir aidan soń taǵy da reabilitatsiia kýrsynan ótetin bolady", — dep habarlady Kemerovo oblysy balalar aýrýhanasynyń ókili.
Oblystyq balalar aýrýhanasynda er bala bir aidai jatty. Mamyrdyń sońynda jasóspirim taǵy em alatyn bolady.
Órt kezinde balanyń ata-anasy men qaryndasy qaza tapqan. Ákesi óler aldynda ulyn terezeden iterip jibergen bolatyn, saldarynan jasóspirim aýyr jaraqat alǵan edi.
Sol kezde er balanyń ókpesine qatty zaqym kelip, táýlik boiy jasandy dem aldyrý qurylǵysymen jatqan.
Kýzbasstyń balalar quqyǵy boiynsha ýákili Dmitrii Kislitsyn habarlaǵandai, balany ájesi qamqorlyǵyna alady.
Esterińizge sala ketsek, "Zimniaia vishnia" saýda ortalyǵynda 25 naýryzda órt shyǵyp, saldarynan 64 adam qaza tapty.
