Kemerovoda órtengen "Zimniaia vishnia" saýda ortalyǵyndaǵy "Kemerovskii konditerskii kombinat" kompaniianyń bas direktory Iýliia Bogdanova ustaldy, - dep habarlaidy "Ult aqparat".
"Búgin "Kemerovskii konditerskii kombinat" kompaniiasynyń bas direktory Iýliia Bogdanova ustaldy. Saýda ortalyǵynda órtengen ǵimarat osy kásiporynǵa tiesili. Tergeý barysynda Bogdanovanyń órt qaýipsizdigine jaýapty adam ekeni anyqtaldy. Alaida Bogdanova qaýipsizdikpen emes, jańa saýda oryndaryn jalǵa berýmen ainalysyp kelgen. Órtke qarsy qaýipsizdik sharalaryn qabyldaýǵa qatysty eshqandai áreket jasamaǵan", - delingen RF Tergeý komitetiniń habarlamasynda.
Qazirgi ýaqytta tergeýshilerdiń Bogdanovanyń úiin tintip jatqany aitylady.
Osyǵan deiin Kemerovo oblysynyń gýbernatory Aman Tóleev qaza tapqandar men zardap shekkenderdiń otbasyna qandai kómek kórsetiletinin aitqan bolatyn. Gýbernatordyń aitýynsha, qaza tapqan adamnyń otbasyna 5 million rýbl beriledi. Al órtten jeńil jaraqat alǵandarǵa - 400 myń rýbl, aýyr jaraqat alǵandarǵa - 800 myń rýbl.
Aita keteiik, Kemerovodaǵy "Zimniaia vishnia" saýda ortalyǵynda bolǵan órtten qaza tapqandardyń 41-i balalar ekeni habarlanǵan edi. Resmi málimetterge qaraǵanda, 25 naýryzda bolǵan tótenshe jaǵdaidan barlyǵy 64 adam qaza bolǵan.
