Kemerovodaǵy "Zimniaia vishnia" saýda ortalyǵynda bolǵan órtten qaza tapqandardyń 41-i bala, - dep habarlaidy RIA Novosti óńirlik jedel qyzmettegi derekkózderine silteme jasap.
"Qaza bolǵandardyń tiziminde 41 balanyń aty-jóni kórsetilgen", - dep jazady agenttik.
Resmi málimetterge qaraǵanda, 25 naýryzda bolǵan tótenshe jaǵdaidan barlyǵy 64 adam qaza boldy.
Aita keteiik, Resei prezidenti Vladimir Pýtin de qazirgi ýaqytta Kemerovte. Osyǵan deiin Resei prezidenti Kemerovtegi 64 adamnyń ólimine ákep soqqan "Zimniaia vishnia" saýda úiinde bolǵan órttiń neden shyqqanyna qatysty pikir bildirgen bolatyn.
"Bizde ne bolyp jatyr, bul áskeri qaqtyǵys emes, ken ornyndaǵy metannyń shyǵyp ketýi emes qoi. Adamdar demalýǵa keldi, balalar. Demografiia týraly aityp, osynsha adamdy nege joǵaltyp otyrmyz? Bul qylmystyq salǵyrttyqtan, bos belbeýlikten boldy", - degen edi Pýtin órt saldaryn joiýǵa arnalǵan Kemerovtegi jiyn barysynda.
Condai-aq, osyǵan deiin aýrýhanalarda tótenshe jaǵdaidan zardap shekken 13 adamnyń jatqany aitylǵan bolatyn. Keiinnen taǵy 50 adam meditsinalyq kómekke júgingen.
derekkóz: kaz.tengrinews.kz
