Kemerovodaǵy "Zimniaia vishnia" saýda ortalyǵyna órt qoidy degen kúdikpen jasóspirimder týraly jeke aqparat quqyq qorǵaý organdaryna berildi, dep habarlaidy sputniknews.kz agenttigi silver.ru portalyna silteme jasap.
Tórt qabatty saýda ortalyǵynda órt jeksenbi kúni shyqqan. TJM málimetinshe, 64 adamnyń qaza tapqany belgili boldy.
Qazirgi ýaqytta qaiǵyly oqiǵanyń birneshe sebebi belgili, olardyń biri – jasóspirimder tórtinshi qabattaǵy "Krýcha" oiyn ortalyǵynda porolon tekshelerdi tutandyryp jibergen soń, órt shyqqan. Bul jasóspirimder órtten aman qalypty.
"Oiyn zalyna jasóspirimderdiń órt qoiǵany týraly boljamdy Kýzbass vitse-gýbernatory Vladimir Chernov aitty", — dep habarlaidy basylym.
Taǵy bir málimetke súiensek, balalar merekesi kezinde jaǵylǵan shamdar órtke sebep bolýy múmkin.
Úshinshi boljam boiynsha, qysqasha tuiyqtalý saldarynan jalyn laýlap jana bastaǵan.
Sputnik Qazaqstan tikelei efirinde qaza tapqandardyń dostary men jaqyndary aitqandai, sońǵy kúnderi saýda ortalyǵynda jaryq jii sónip qalatyn bolǵan.
