Aman Tóleev merziminen buryn óz erkimen Kemerovo oblysy gýbernatory qyzmetinen ketedi, dep habarlaidy RIA Novosti óńirdiń administratsiiasyna silteme jasap.
"Kemerovo oblysynyń gýbernatory Aman Tóleev RF prezidenti Vladimir Pýtinge óz erkimen otstavkaǵa ketý týraly ótinish jazdy", — dep habarlaidy oblys administratsiiasy baspasóz qyzmeti. Sonymen qatar, onyń ótinishin Resei Federatsiiasy basshysy Vladimir Pýtin qabyldap úlgergen.
Aman Tóleevtiń jasy 73-te, 1997 jyldan beri Kemerovo oblysynyń gýbernatory qyzmetin atqaryp keledi. Ol bul laýazymǵa tórt ret sailanǵan. Kezekti qyzmettik merzimi 2020 jyly aiaqtalýy tiis bolatyn.
Eske sala keteiik, 2018 jyly 25 naýryzda Kemerovadaǵy "Zimniaia vishnia" saýda ortalyǵynda órt bolyp, 64 adam qaza tapty, olardyń arasynda 41 bala bar. Bul oqiǵaǵa qatysty qylmystyq is qozǵalyp, tergeý júrip jatyr. Qazirgi tańda zardap shekkenderdiń sany 79 adamǵa jetken.
